रुकुम (पश्चिम) : बलात्कार मुद्दामा नेपाल पत्रकार महासंघ, रुकुम शाखाका अध्यक्ष गणेश चिन्तन पुर्पक्षका लागि कारागार चलान भएका छन्।
जिल्ला अदालत रुकुमका न्यायाधीश काजीबहादुर राईको इजलासले चिन्तनलाई आइतबार पुर्पक्षका लागि कारागार चलान गरेको स्रेस्तेदार तेजप्रसाद पौडेलले जानकारी दिए।
त्रिवेणी गाउँपालिका १० की २४ वर्षीया एक युवतीलाई बलात्कार गरेको अभियोगमा उनी गत जेठ २२ गते पक्राउ परेका थिए। नेपाल पत्रकार महासंघ जिल्ला शाखा कार्यालय सहयोगीका रुपमा कार्यरत युवतीले अध्यक्षले जबरजस्ती गरेको भन्दै प्रहरीमा जाहेरी दिएकी थिइन्।
विगत एक वर्षदेखि विभिन्न डर धम्की तथा प्रलोभन देखाएर पटक–पटक बलात्कार गरेको युवतीले दिएको जाहेरीमा उल्लेख छ।
जाहेरीमा नेपाल पत्रकार महासंघको कार्यकक्षमै पनि अध्यक्ष चिन्तनले बलात्कारको प्रयास गरेको लेखिएको छ। पारिश्रमिक नदिएर उल्टै ध्याक्याउने गरेको युवतीको आरोप छ।
प्रतिक्रिया दिनुहोस !
