काठमाडौं : नेपाल बचत तथा ऋण केन्द्रीय सहकारी संघ (नेफ्स्कुन) विश्व ऋण परिषद्सँग जोडिएको छ । नेफ्स्कुनले सदस्यका लागि आह्वान गरेको केही समयपछि विश्व ऋण परिषद्ले सदस्यता दिने निर्णय गरेको हो ।
विश्व ऋण परिषद्को सिंगापुरमा हुने साधारणसभामा सदस्यताको शपथ लिनेछ । उक्त कार्यक्रममा नेफ्स्कुनका अध्यक्ष डीबी बस्नेतको नेतृत्वमा नेफ्स्कुनको प्रतिनिधित्व हुने तय भएको छ । यसअघि नेफ्स्कुन एशियाली ऋण महासंघमार्फत विश्व ऋण परिषद्सँग अप्रत्यक्षरूपमा जोडिएको थियो । नेफ्स्कुनका बरिष्ठ उपाध्यक्ष परितोष पौड्यालले विश्व ऋण परिषद्सँग प्रत्यक्ष जोडिएपछि अब संस्थागत सुशासनका पक्षमा काम गर्न सजिलो हुने बताए ।
पौड्यालले विश्व ऋण परिषद्को सदस्यता प्राप्तिपछि प्रविधि आत्मासात गर्न सजिलो हुने बताए । नेफ्स्कुनले एशियाली ऋण महासंघ (अक्कु)कोे सहकार्यमा साकोसको एक्सेस ब्रान्डिङ गर्दै आएको छ ।
प्रतिक्रिया दिनुहोस !
