अर्को जितको खोजीमा जर्मनी

मस्को : पहिलो खेलमै अप्रत्याशित हार खेपेपछि दबाबमा देखिएको साबिक विजेता जर्मनीलाई प्रिक्वार्टरफाइनल चरणको यात्रा तय गर्न अझै जितको आवश्यकता देखिएको छ । स्विडेनसँग भएको समूहगत चरणको आफ्नो दोस्रो खेलमा इन्जुरी समयको पनि अन्तिम ३० सेकेन्ड अघि टोनी क्रुजले फ्रिकिकमार्फत सनसनीपूर्ण गोल गर्दै २-१ को जित दिलाएपछि जीवितै देखिएको जर्मनीको प्रिक्वार्टरफाइनल सम्भावना सम्भव बनाउन बुधबार हुने दक्षिण कोरियासँगको खेलमा पनि जित आवश्यक देखिएको छ ।

दक्षिण कोरियासँगको पराजयले भने अझै पनि जर्मनीको उपाधि रक्षाको अभियान समूहगत चरणमै रोकिने सम्भावना छ । समूह एफमा मेक्सिको सर्वाधिक ६ अंकका साथ शीर्ष स्थानमा छ भने समान तीन÷तीन अंक भएको जर्मनी र स्विडेन दोस्रो र तेस्रो स्थानमा छन् । दक्षिण कोरियाको कुनै पनि अंक छैन । बुधबार एकै समयमा हुने खेलमा आफूले दक्षिण कोरियालाई पराजित गर्दा र अर्को खेलमा मेक्सिकोसँग स्विडेन बराबरीमा रोकिँदा वा पराजित हुँदा जर्मनी सहजै दोस्रो चरणमा पुग्नेछ ।

दक्षिण कोरियाविरुद्ध जित हात पार्दा अर्को खेलमा स्विडेन कम गोलअन्तरमा विजयी भएको अवस्थामा समेत जर्मनीको सम्भावना रहन्छ । यद्यपि दक्षिण कोरिया विजयी र अर्को खेलमा पनि मेक्सिको पराजित भएको अवस्थामा भने जर्मनीलाई पछि पार्दै स्विडेन प्रिक्वार्टरफाइनलमा पुग्नेछ ।

त्यसैले जर्मनीलाई प्रिक्वार्टरफाइनल चरणको यात्रा तय गर्न पहिलो सर्तको रूपमा आफूले दक्षिण कोरियालाई पराजित गर्नै पर्ने देखिएको छ । विश्वकप फुटबलमा तेस्रो पटक आमुन्ने सामुन्ने हुन लाग्दा अहिलेसम्म दक्षिण कोरियाले जर्मनीलाई बराबरीमा समेत रोक्न सकेको छैन । यसअघि भएका दुईमध्ये दुवै भिडन्तमा जर्मनी विजयी बनेको छ ।

विश्वकपअन्तर्गत भएको प्रतिस्पर्धामा मेक्सिकोविरुद्ध भने स्विडेन बलियो देखिएको छ । विश्वकप फुटबलको अन्तिम चरणको खेलमा यसअघि एकै पटक मात्रै प्रतिस्पर्धा गर्दा स्विडेनले मेक्सिकोलाई ३-० ले पराजित गरेको छ ।

प्रभाव पार्न सक्ने खेलाडी

टोनी क्रुज (जर्मनी)

प्रतिभाशाली मिडफिल्डर टोनी क्रुज साबिक विजेता जर्मनीका मुख्य खेलाडी हुन् । टोलीका लागि उनको महŒव स्विडेनविरुद्ध भएको अघिल्लो खेलमै प्रष्ट पनि भइसकेको छ । पहिलो खेलमा मेक्सिकोसँग पराजित भएपछि जर्मनीका लागि प्रिक्वार्टरफाइनलको सम्भावना कायम राख्न स्विडेनविरुद्धको समूहगत चरणको दोस्रो खेलमा कुनै पनि मूल्यमा जित आवश्यक थियो । यद्यपि जर्मनी ९० मिनेटपछि थप गरिएको ६ मिनेटको इन्जुरी समयको अन्तिम ३० सेकेन्ड अघिसम्म पनि १–१ कै बराबरीमा रोकिएको थियो ।

उक्त खेलमा अन्तिम ३० सेकेन्डअघि प्राप्त फ्रिकिक प्रहारको अवसरलाई सदुपयोग गर्दै क्रुजले २–१ को जितसहित साबिक विजेता जर्मनीको प्रिक्वार्टरफाइनल सम्भावना जीवितै राख्न मद्दत पु¥याएका थिए । जर्मनीले सन् २०१४ मा ब्राजिलमा भएको विश्वकपको उपाधि जित्दाका महŒवपूर्ण खेलाडी क्रुज यस पटक पनि टोलीमा उही भूमिकामा सक्रिय छन् ।

स्पेनिस क्लब रियल म्याड्रिडबाट व्यावसायिक फुटबल खेल्ने क्रुज मैदानमा आफ्नो टोलीलाई जिताउन कुनै पनि भूमिकाबाट योगदान पु¥याउन सक्षम छन् । मैदानमा उनले आफ्ना सहकर्मीलाई उपलब्ध गराएको बल कुनै पनि अवस्थामा खेर जाँदैन । उनी आफ्ना स्ट्राइकरलाई गोलका राम्रा अवसर सिजैना गर्ने मात्रै होइन, आफैं पनि गोल गर्न सक्षम खेलाडी हुन् ।

जर्मनीले यस पटक उपाधि रक्षा गर्ने योजना बनाउँदा टोलीको अनुभवी खेलाडीको हैसियतमा जिम्मेवारी उनै क्रुजमाथि बढी छ । त्यसैले जर्मनीको बाँकी खेलमा क्रुजको मेहनत र खेल हेर्न लागयकको हुने निश्चित छ । सन् २०१० यता राष्ट्रिय टोलीबाट खेल्न थालेका क्रुजले हालसम्म टोलीका लागि ८५ खेल खेल्दै १३ गोल पनि गरिसकेका छन् ।