बाजुराः यहाँ बुधबार साँझ भएको सवारी दुर्घटनामा एकजना वडाध्यक्षसहित दुईजनाको ज्यान गएको छ । बुधबार साँझ जिल्लाको जिल्लाको त्रिवेणी नगरपालिकामा भएको जीप दुर्घटनामा परेर त्यही नगरपालिका वडा नं. १ का वडाध्यक्ष खम्म नेपालीसहित दुईजनाको ज्यान गएको जिल्ला प्रहरी कार्यालय बाजुराले जनाएको छ ।
त्रिवेणी नपाकै बाम्का बजारबाट छतारा जाँदै गरेको से १ज ९९९ नम्बरको जीप दुर्घटनामा परेको हो । यो दुर्घटनामा १४ जना यात्रु घाइते भएका छन् । घाइतेहरुलाई उपचारका लागि अछामको बयलपाटा अस्पताल लगिएको छ ।
आज बेलुका ७ बजेको समय जीप दुर्घटनामा परेको हो । १४ जना घाइतेलार्इ अछामको बयालपाटा अस्पतालमा उपचारका लागि पठाइएको स्थानीय बिस्ना गिरीले जानकारी दिएकी छन् ।
प्रतिक्रिया दिनुहोस !
