विश्वकपबाट बाहिरिएपछि आइसल्यान्डका प्रशिक्षकले के भने ?
पहिलो सहभागितामै हामीले विश्वकपमा उत्कृष्ट प्रदर्शन गर्यौं । विश्वकपमा पहिलो सहभागिता भए पनि हाम्रा खेलाडीको प्रदर्शन कुनै पनि अनुभवी खेलाडीको भन्दा कम थिएन ।
पहिलो खेलमै अर्जेन्टिनाजस्तो बलियो टोलीसँग अंक खोस्नु चानचुने कुरा होइन । अनुभवको हिसाबले क्रोएसिया र नाइजेरिया पनि हाम्रा लागि निकै बलिया प्रतिद्वन्द्वी हुन् । तर, हामीले कुनै पनि खेलमा समर्थकले गाली गर्न लायकको प्रदर्शन गरेनौं ।
खेलमा हार÷जित स्वाभाविक प्रक्रिया हो । एउटा टोली अगाडि बढ्न अर्को टोली घर फर्कनै पर्ने हुन्छ । तर, हामी टोलीका प्रत्येक सदस्य रुसबाट शिर ठाडो पारेर आफ्नो देश फर्कने छौं ।
हामीले आफ्नो धरातललाई पनि हेर्नुपर्छ । मेरो विचारमा हाम्रा सबै खेलाडीले मैदानमा गरेको प्रदर्शन वर्षौंसम्म धेरै समर्थकको सम्झनामा ताजै रहनेछ ।
-हेमिर हलग्रिम्सन, आइसल्यान्डका प्रशिक्षक ।