जारी विश्वकपमा अर्जेन्टिनी टोलीको प्रदर्शन खासै गतिलो छैन। मेरो विचारमा प्रतियोगिताको प्रिक्वार्टरफाइनल खेलमा फ्रान्सले अर्जेन्टिनालाई हराउने सम्भावना बढी छ। प्रशिक्षक डिडियर डेसच्याम्पसको नेतृत्वमा फ्रान्सले निकै स्तरीय प्रदर्शन गरिरहेको छ।
त्यसको ठीकविपरीत हामीले नकआउट चरणमै पुग्न पनि निकै ठूलो संघर्ष गर्नु पर्यो। विश्वकपमै छनोट हुन पनि फ्रान्सको तुलनामा हामीले निकै बढी पसिना बगाउनु परेको थियो।
यद्यपि समूहगत चरणको अन्तिम खेलमा नाइजेरियालाई हराएपछि हाम्रा खेलाडीको मनोबल केही उच्च भएको छ। त्यसअघिका दुई खेलमा हाम्रा खेलाडी दबाबमा देखिएका थिए। फुटबलमा यही हुन्छ भनेर कसैले पनि किटानी गर्न सक्दैन। अहिलेको स्थितिमा फ्रान्सभन्दा हाम्रो टोली निकै कमजोर देखिएको छ। त्यसैले फ्रान्सविरुद्घको खेलअघि हाम्रा खेलाडी मानसिक रूपमा पनि तयार हुनु आवश्यक छ।
प्रतिक्रिया दिनुहोस !
