गौर : रौतहटमा बिहीबार राति हतयिार बोकेको एक समूह र प्रहरीबीच गोली हानाहान भएको छ । घटनामा परी एक जनाको ज्यान गएको छ ।
खुट्टा र पेट नजिकै गोली लागेका एक युवकको प्रहरीले चलाएको गोली लागेर ज्यान गएको हो । प्रहरीका अनुसार राजदेवी नगरपालिकाको मुडवलवा टोलको उत्तरपट्टी बाग्मती नदी किनारको तटबन्धनमा बिहीबार राति करीब १० बजे प्रहरी र ३ जनाको हतियारधारी समूहबीच गोली हानाहान भएको हो ।
प्रहरीले घटना स्थलबाट आधुनिक एसएमजी बन्दुक र सोमा प्रयोग हुने म्याग्जिन बरामद गरेको छ । खोजीको सुचीमा रहेको व्यक्ति आउँदैछ भन्ने सूचनाको आधारमा प्रहरी गौडा कुरेर बसेको र त्यँही गोली हानाहान हुँदा अन्दाजी २५ बर्षका एक युवकको गोली लागेर ज्यान गएको जिल्ला प्रहरी कार्यालय रौतहटले जनाएको छ ।
मोटरसाइकलमा आएका ३ जनामध्ये दुई जना बन्दुक पड्काउँदै भारतको सीमाना तर्फ भागेका बताइएको छ ।
प्रतिक्रिया दिनुहोस !
