फ्रान्सको पोस्टमा डि मारियाको सुन्दर गोल : पहिलो हाफमा १-१ बराबरी
असार १६, २०७५ शनिबार २०:२९:०
मस्को : रुस विश्वकप अन्तर्गत अर्जेन्टिना र फ्रान्सको खेलसँगै नकआउट चरणका खेल सुरु भएका छन्। पौने आठबाट फ्रान्स र अर्जेन्टिनाको खेल सुरु भएको छ।
खेल सुरु भएको १२ औं मिनेटमा पाएको पेनाल्टीलाई फ्रान्सका एन्टोइन ग्रिजम्यानले उत्कृष्ट गोल गरे। खेलको १३ औं मिनेटमा ग्रिजम्यानले गोल गरेसँगै १-० ले पछि परेको अर्जेन्टिनाका लागि खेलको ४२ औं मिनेटमा डि मारियाले सुन्दर गोल गरेका छन्। फ्रान्सका स्ट्राइकर केलिन एमबाप्पेलाई डिबक्सभित्र लडाएपछि फ्रान्सले पेनाल्टी पाएको थियो।
अर्जेन्टिना एक बराबरी र एक जित र एक खेलमा पराजित हुँदै नकआउट चरणमा पुगेको हो। फ्रान्सले भने समूह चरणमा दुई जित र एक बराबरी खेलेको थियो। फ्रान्स समूह विजेता हो भने अर्जेन्टिना समूह उपविजेता हो।
प्रतिक्रिया दिनुहोस !
