मस्को : रुस विश्वकपअन्तर्गत प्रिक्वार्टरफाइनलको चौथो खेलमा दुुई युुरोपियन टोली क्रोएसिया र डेनमार्क भिड्दै छन् । यो खेलबाट क्वार्टरफाइनल पुुग्ने चौथो टोलीको टुुंगो लाग्नेछ ।खेलअघि क्रोएसिया निकै बलियो देखिएको छ । क्रोएसिया रुस विश्वकपको समूहगत चरणमा जितको शतप्रतिशत नतिजा निकाल्ने मात्रै तीनमध्येको एक टोली हो ।
समूहगत चरणको खेलमा नाइजेरिया र आइसल्यान्डसहित अर्जेन्टिनालाई पनि पराजित गरेपछि क्रोएसियाले आफूलाई डार्क हर्स टोलीको रूपमा स्थापित गराएको छ । युुरोपेली ठूला क्लबसँग आबद्ध रहेका खेलाडीको साथ पाएको क्रोएसियाले समूहगत चरणको प्रदर्शनपछि आफूलाई उपाधिकै दाबेदार टोलीका रूपमा उभ्याएको छ ।
रियल म्याड्रिडका मिडफिल्डर लुुका भोड्रिचको नेतृत्वमा रहेको क्रोएसियालाई बार्सिलोनाका इभान राकिटिच, इभान पेरिसिचलगायतका अनुुभवी र क्षमतावान् खेलाडीको साथ छ । समूहगत चरणको खेलमा क्रोएसियाको रक्षापंक्ति पनि निकै सशक्त देखिएको छ । क्रोएसियाले विपक्षी टोलीविरुद्ध समूहगत चरणमा सात गोल गर्दा मात्रै एक गोल बेहोरेको छ । यही तथ्यले पनि डेनमार्कलाई क्रोएसियाको आक्रमण रोक्न मात्रै हैन, उसको रक्षापंक्तिलाई तोडेर गोल गर्न पनि मुुस्किल हुुने देखिएको छ ।
त्यसैले क्रिस्टियन इरिक्सनको टोली डेनमार्कलाई जितका लागि बलियो मानिएको क्रोएसियाको चुुनौती पार गर्न निकै मेहनत गर्नुुपर्ने देखिएको छ । डेनमार्कले त्यसका लागि कम्तीमा समूहगत चरणमा गरेको प्रदर्शनमा व्यापक सुुधार गर्न आवश्यक छ । डेनमार्कले समूह ‘सी’मा दुुई बराबरी र एक जितको नतिजा निकालेको थियो । पेरुलाई १–० ले पराजित गर्दा अस्टे«लियासँग १–१ र फ्रान्ससँग गोलरहित बराबरी खेलेको थियो ।
विश्वकप फुुटबलमा यी दुुई टोली पहिलोपटक आमुुन्ने सामुुन्ने हुुन लागेका हुुन् । क्रोएसिया र डेनमार्क दुुवै टोलीको यो पाँचौं विश्वकप सहभागिता हो । अघिल्ला चार सहभागितामध्ये क्रोएसियाले सन् १९९८ मा तेस्रो स्थान हात पारेको थियो । डेनमार्कले पनि सोही विश्वकपमा क्वार्टरफाइनलसम्मको यात्रा तय गरेको थियो । यसपटक यी दुुवै टोलीले अघिल्ला उपलब्धिभन्दा अझ माथिको योजना बनाएका छन् । यद्यपि त्यसको सौभाग्य क्रोएसिया र डेनमार्कमध्ये एकलाई मात्रै प्राप्त हुुने छ ।
प्रतिक्रिया दिनुहोस !
