विश्वकपमा भिडियो असिस्टेन्ट रेफ्री (भीएआर) प्रयोगको आलोचना पनि भएको छ। आफू अनुकूल नतिजा नआउँदा पहिला पनि यस्तै आलोचना हुने गर्थ्यो । यसपटक भीएआरको प्रयोगले रेफ्रीलाई विवादरहित बनाएको छ। मैदानका रेफ्री र लाइन जर्जबीच तालमेल नमिल्ने कुरालाई यसले निदान गरेको छ ।
भीएआरले यथार्थ र सही निर्णय लिन धेरै सहयोग पनि गरेको छ । समूह चरणका ४८ खेलमा यस प्रणालीले गर्दा ९९.३ प्रतिशत निर्णय सफल भएको छ । नगन्य प्रतिशत नतिजामा केही गल्ती भएको हुन पनि सक्छ ।
हामीले समूह चरणमा भएका तीन सय ३५ घटनालाई भीएआरमा नियालेका थियौं । भीएआरको प्रयोगले रेफ्रीको मानवीय त्रुटिलाई सही निर्णय दिन धेरै सहज बनाएको छ । यसबाट हामी धेरै खुसी छौं ।
प्रतिक्रिया दिनुहोस !
