काठमाडौं : रुसमा जारी फिफा विश्वकप अन्तरगत आइतबार राति भएको प्रिक्वाटरफाइलनको खेलमा डेनमार्कलाई हराउँदै क्रोएसिया क्वाटर फाइलनमा प्रवेश गरेको छ । निर्धारित समय र अतिरिक्त समयमा पनि खेल १–१ को बराबरी भएपछि पेनाल्टी सुट आउटमा डेनमार्कलाई ३–२ ले पराजित गर्दै क्रोएसियाले क्वाटरफाइलनमा स्थान सुरक्षित गरेको हो
निकै प्रतिस्पर्धात्मक खेलमा पहिलो मिनेटमै डेनमार्कका डिफेन्डर माथिअस जर्जेन्सनले गोल गरी अग्रता बनाए पनि चौथो मिनेटमै क्रोएसियाका मारियो मान्जुकिक बराबरी गोल फर्काए ।
दुवै टोलीका गोल किपरले पहिलो पेनाल्टी नै रोकेका थिए । त्यसपछि दुवै टोलीले २–२ गोल हानेपछि डेनमार्कको २ र क्रोएसियाको १ गरी लगातार ३ पेनाल्टी प्रहार रोकियो । अन्तिममा क्रोइसियाका इभान राकिटिकले निर्णायक गोल गर्दै क्रोएसियालाई जित दिलाएका हुन ।
यसअघि, फ्रान्स, उरूग्वे, र रूसले अन्तिम ८ मा स्थान सुरक्षित गरिसकेका छन् ।
प्रतिक्रिया दिनुहोस !
