चितवन: नारायणगढ–मुग्लिन सडकखण्ड अन्तरगत टोपे खोलामा ठूलो पहिरो झरेपछि सवारीसाधन ठप्प भएको छ । सोमबार बिहान पौने १२ बजेको समयमा ठूलो पहिरो झरेपछि सडक पूर्णरुपमा ठप्प भएको हो । विहानैदेखि यो सडकखण्डमा साना पहिरोले सवारीसाधन अवरुद्ध गरेको थियो । पहिरो खस्ने क्रम जारी रहेकाले हटाउन समस्या भएको जिल्ला ट्राफिक प्रहरी कार्यालय चितवनका प्रमुख बेदप्रसाद गौतमले बताए ।
टोपेखोलामा ठूलो पहिरो झर्नुका साथै निरन्तर वर्षा भएरहाकोले सडक सुचारु हुन धेरै समय लाग्ने उनले बताए । उनले आज नारायणगढ-मुग्लिन सडकखण्डबाट सकेसम्म यात्रा नगर्न पनि आग्रह गरेका छन् ।
यसैबीच नारायण-मुग्लिन सडकखणडमा पटक-पटक पहिरो खसी अवरोध हुने भएपछि आमसर्वसाधारणले मोबाइलबाटै हेर्न मिल्ने गरी नारायणगढदेखि मौवा खोलासम्मको अवस्था थाहा पाउन nmt टाइप गरेर 34848 मा पठाउन सकिने प्रहरीले जनाएको छ ।
प्रतिक्रिया दिनुहोस !
