पहिरोले घर भत्किँदा तीन बाख्रा मरे

(लिबाङ) रोल्पा : रोल्पाको सदरमुकाम लिबाङमा मंगलबार बिहान करिब पाँच बजे पहिरोले एक घर भत्काएको छ।घर भत्किँदा तीनवटा बाख्रा मरेका छन्। रोल्पा नगरपालिका-४ लिबाङ बजारका यज्ञविक्रम मल्लको दुईतले कच्ची घर पहिरोले पुरिएको हो ।

प्रहरीका अनुसार लाखौको धनमाल पुरिएर क्षति पुगेको छ। भाँडाकुडा, लत्ताकपडा, खाद्यान्न र नगद गरी करिब ४ लाखको क्षति भएको हो।

घटनालगत्तै गाउँले र प्रहरी उद्दारमा खटिएका थिए। प्रहरी नाउव उपरीक्षक ज्ञानेन्द्रप्रसाद फुयाँल समेत घटनास्थल पुगेर उद्दारमा सघाएका थिए। एउटा बाख्रालाई भने जिवितै उद्दार गरिएको थियो ।

घरमा तीन परिवार भाडामा बस्दै आएका थिए। पहिरोले भत्किनु अघि नै सबैजना घरबाहिर निस्किएकाले मानवीय क्षति हुन भने पाएन। शनिबारदेखिको अविरल वर्षाले सोमबार दक्षिणी भेग सैबाङमा १८ दिनको सुत्केरी र शिशुसहित तीन जनाको ज्यान गइसकेको छ।ठाउँठाउँमा पहिरो गएर बाटा अवरुद्ध भएका छन्।

• पहिरोको त्रासमा उत्तरी धादिङ
• मौसमविद् भन्छन्ः बाढी पहिरोको जोखिम अझै बढ्छ, सजग हुनुस्
• पहाडमा पहिरो, मधेसमा बाढी : दर्जनको मृत्यु
• पहिरोले सात घर विस्थापित, डेढसय घर जोखिममा
• जतातत पहिरो, हटाउनै मुस्किल