डोटी : विद्युतको पोल गाड्ने क्रममा डोटीमा करेन्ट लागेर चारजनाको मृत्यु भएको छ। आदर्श गाउँपालिका-१ चासीमा करेन्ट लाग्दा सोही ठाउँका चारजनाको मृत्यु भएको हो।
करेन्ट लागेर जयन्द्र खड्का, वीरेन्द्र खड्का, दीपक खड्का र हर्कबहादुर खड्काको मृत्यु भएको जिल्ला प्रहरी कार्यालय डोटीका प्रहरी नायब उपरीक्षक लालबहादुर धामीले जानकारी दिए। करेण्ट लागेर बमबहादुर खड्का गम्भीर घाइते छन्।
जिल्ला प्रहरी कार्यालय डोटीका नायब उपरीक्षक धामीका अनुसार बिजुलीको पोल बोकेर अन्यत्र लैजाने क्रममा पोल खस्दा विद्युतको तारमा लागेर करेन्ट लागेको हो। घटनास्थलमा प्रहरी पुगेपछि मात्र घाइतेको उद्धार भएको छ।
प्रतिक्रिया दिनुहोस !
