काठमाडौँ: नेपाल संगीत तथा नाट्य प्रज्ञा प्रतिष्ठानले विभिन्न क्षेत्रका ६ जनालाई ‘राष्ट्रिय प्रज्ञा पुरस्कार’ प्रदान गर्ने भएको छ । प्रतिष्ठानको आठौं वार्षिकोत्सवका अवसरमा प्रदान गरिने ‘नेपाल संगीत तथा नाट्य प्रज्ञा पुरस्कार २०७४’ पाउनेमा नाट्य क्षेत्रबाट नाट्यकर्मी रामअवतार यादव, संगीत विधातर्फ गीतकार किरण खरेल, नृत्य विधाबाट नृत्याङ्गना शुभद्रा अधिकारी र लोककला विधाबाट गायक एलपी जोशी छन् ।
त्यसैगरी पुरम्परागत तथा शाश्त्रिय संगीत विधातर्फ शाश्त्रीय वादक तथा गायक पुष्परत्न तुलाधर र रंगमञ्चतर्फ रंगकर्मी मदनदास श्रेष्ठ छन् । छवटै विधामा जनही जनही एक लाख रुपैयाँ पुरस्कारमा रहेको छ ।
यी पुरस्कार शुक्रबार राजधानीमा आयोजित विशेष कार्यक्रममा उपराष्ट्रपती नन्दबहादुर पुनले प्रदान गर्ने कार्यक्रम छ । त्यस अवसरमा संगीत तथा नाट्य क्षेत्रका सर्जक एवम् कलाकारलाई उनीहरुको योगदानको कदर गर्दै ‘स्रष्टा कलाकार राष्ट्रिय परिचय पत्र’ पनि प्रदान गरिने भएको छ । प्रतिष्ठानले स्रष्टा कलाकारलाई पहिलो पटक परिचय पत्र दिन लागेको हो ।
प्रतिक्रिया दिनुहोस !
