स्विट्जरल्याण्डका बच्चाहरुले यसरी उडाए नेमारलाई (भिडियो)

एजेन्सी : रुसमा जारी फिफा विश्वकपमा ब्राजिलका स्टार स्ट्राइकर नेमारले ब्राजिलियन टोलीको जितका लागि महत्वपूर्ण भूमिका निर्वाह गरिहेकाछन् । तर यतिखेर नेमारले विश्वकप मैदानमा देखाएको उत्कृष्ट प्रदर्शनको भन्दा पनि उनले मैदानमा लड्को लड्यै गरेर देखाएको चर्तिकलाका विषयमा धेरै चर्चा भइरहेको छ । 
मैदानमा उनको चर्चिकलाका विषयमा अहिले संसारभर थुप्रै बहस भइरहेका छन् । कतिपयले उनको आलोचना गरेका छन् भने कतिले उनीमाथि फल गरिएकाले उनको गतिविधि स्वभाविक रहेको प्रतिक्रिया दिएका छन् । 

अनलाइनहरुमा नेमारलाई व्यंग्य गर्दै थुप्रै ट्रोलहरु बनिरहेको छन् । थुप्रै रमाइला भिडियोहरु बनिरहेको छन् । यसै क्रममा स्विटजरल्याण्डका बच्चाहरुले नेमारको फुटबल मैदानमा लड्ने शैलीलाई भिन्न तरिकाले मजाक उडाएका छन्।   स्विट्जरल्याण्डका एक ब्लगरले ट्वीटरमा पोस्ट गरेको भिडियो भाइरल भइरहेको छ । 

भिडियोमा फुटबल मैदानमा १० जना बच्चाहरु एक–एक वटा बल लिएर आगाडी बढ्छन् । केही अगाडी बढेपछि पछाडीबाट कसैले 'नेमार' भनेर कराउँछ । त्यसपछि सबै बच्चाहरु बल छोडी पाल्टाङ–पुल्टुङ मैदानमा पल्टल्छन र खुट्टा समाउँदै, छटपटिँदै रोए, कराएको अभिनय गर्छन् । लडेपछि कोही उत्तानो परेर चिच्याएका छन् । कोही थुचुक्क बसेर खुट्टा समाउँदै रोएका छन् । कोही घोप्टो परेर छट्टिएकाछन् । बच्चाहरुको अभिनय निकै रमाइलो देखिन्छ । 

रुस विश्वकपमा ब्राजिल र स्विटजरल्याण्ड एउटै समूह ‘ई’ मा थिए । समूह चरणमा ब्राजिल र स्विटजरल्याण्डले १–१ को बराबरी खेलेका थिए । समूह उपविजेता बनेको स्विटजरल्याण्ड प्रिक्वाटरफाइलनमा स्वीडेनसँग पराजित भइ प्रतियोगिताबाट बाहिरिएको छ । ब्राजिलले भने मेक्सिकोलाई हराउँदै क्वाटरफाइलनमा स्थान सुरक्षित गरेको थियो । 

भिडियो