काठमाडौँः उपाधि दाबेदार मानिएको ब्राजिलविरुद्धको खेलमा बेल्जियमले अग्रता बनाएको छ । विश्कप फुटबल प्रतियोगिता अन्तरगत सेमिफाइनलका लागि रसियामा भइरहेको दोस्रो क्वार्टर फाइनल भिडन्तमा बेल्जियमले अग्रता बनाएको हो ।
बेल्जियमका लागि ब्राजिलका मिडफिल्डर फर्नान्डिन्होले आत्मघाती गोल उपहार दिएका हुन् । खेलको १३ औँ मिनेटमा कर्णरबाट डी बक्सभित्र आएको बललाई म्यानचेस्टर सिटीबाट खेल्दै आएका फर्नान्डिन्होले हेडमार्फत् बचाउने कोशिश गर्दा आफ्नै जाली चुम्न पुगेको थियो ।
गोल खाएपनि खेलमा बल पोजेसन भने ब्राजिलले राम्रो बनाइरहेको छ । उसले ५८ प्रतिशत बल पोजेसन बनाउँदा बेल्जियम ४२ प्रतिशत मात्रै बल पोजेसन बनाउन सकेको छ । खेलको ३१ औँ मिनेट चलिरहँदा ब्राजिलले गोलका लागि दुई पटक पोस्ट चार्ज गरिसकेको छ भने बेल्जियमले एक पटक मात्रै पोस्ट चार्ज गर्न सकेको छ ।
प्रतिक्रिया दिनुहोस !
