वीरगञ्ज : प्रहरीले वीरगञ्ज महानगरपालिकाबाट एक करोड रुपैयाँ भन्दा बढी रकमसहित एक हुन्डी कारोबारीलाई पक्राउ गरेको छ। विशेष सूचनाका आधारमा प्रहरीले वीरगञ्ज महानगरपालिका वडा नम्बर १२ बाट बिहान सबा ११ बजे राहुल केशरीलाई पक्राउ गरेको हो।
उनी लामो सयमदेखि हुन्डी कारोबारमा संलग्न रहेको सूचनाका आधारमा उनीमाथि निगरानी राखिएको प्रहरीले जनाएको छ। राहुल केशरीलाई वीरगञ्ज १२ रानीघाट स्थित उनकै निवासबाट पक्राउ गरेको प्रहरी उपरीक्षक रेवती ढकालले जानकारी दिए।
उनको साथबाट एक करोड रुपैयाँ भन्दा बढी नेपाली रुपैयाँ र विभिन्न कागजात बरामद भएको उनले जानकारी दिए। उनीबाट बरामद गरिएका कागजातका आधारमा थप अनुसन्धान गरी उनीमाथि कानुनी कारबाही गरिने प्रहरी उपरीक्षक ढकालले बताए।
प्रतिक्रिया दिनुहोस !
