काठमाडौँ: भारतको बिहारबाट कवाडी संकलन गर्ने बाहनामा नेपाल छिरेको एउटा समूहमा चोरीका ठुलो परिमाणको धनमालसहित रंगेहात समातिएको छ। बिहार राज्यस्थित मोतिहारी र समस्तीपुर जिल्लाबाट कवाडी संकलन गर्न भन्दै काठमाडौँ छिरेका दुईजनालाई ठुलो परिमाणको धनमाल चोर्दै गरेको अवस्थामा महानगरीय प्रहरी अपराध महाशाखाले रंगेहात पक्राउ गरेको हो ।
बिहान दिउँसो कवाडी बटुल्दै हिँड्ने यो समूहले मान्छे नभएका घरका ढोका र झ्याल फोडी चोरी गर्ने गरेको पत्ता लागेको हो । काठमाडौंको डल्लुबाट शुक्रबार रंगेहात पक्राउ गरिएपछि आइतबार सार्वजनिक गरिएकामा बिहारको गुम्तीथाना मोतिपुर-३२ का १९ वर्षीय करण पोदार र बिहारकै समस्तिपुर जिल्ला महदिलनगर थाना बिनगामाका १७ वर्षीय सुरज पोदार छन् ।
उनीहरुलाई डल्लु आवास क्षेत्रस्थित सोनी श्रेष्ठको घरमा कोही नभएको बेला शुक्रबार ढोका फोडेर नगद र सुनचाँदीका गहनासहित ३१ लाख ३३ हजार १ सय २० रुपैयाँ बराबरको धनमाल चोरी गर्दागर्दै महाशाखाको टोलीले पक्राउ गरेको हो ।
प्रतिक्रिया दिनुहोस !
