दार्चुला : प्रहरीले भालुको पित्तसहित दुईजनालाई पक्राउ गरेको छ। सोमबार बिहान जिल्ला प्रहरी कार्यालय दार्चुलाबाट प्रहरी सहायक निरीक्षक भानबहादुर चन्दको नेतृत्वमा खटिएको गस्ती टोलीले ८ सय ९३ ग्राम भालुको पित्तसहित दुईजानलाई पक्राउ गरेको हो।
जिल्लाको महाकाली नगरपालिका-४ बागाबगडमा पैदल हिँडिरहेका व्यास गाउँपालिका-६ का ३६ वर्षीय भानसिंह धामीको साथबाट ८ सय ९३ ग्राम पित्त बरामद गरेको हो।
यस्तै प्रहरीले हुम्लाको सिमिकोट गाउँपालिका-७ हाल भारतको धार्चुला बस्ने २६ वर्षीय रेकश शाहीलाई पनि पक्राउ गरेको छ। पक्राउ परेका व्यास गाउँपालिका-६ का भानसिंह धामीलाई सोधपुछ गर्दा भालुको पित्त रेकश शाहीले मगाको बयान दिएपछि उनलाई पनि पक्राउ गरिएको जिल्ला प्रहरी कार्यालय दार्चुलाका प्रहरी प्रमुख प्रहरी नायव उरीक्षक नवराज अधिकारीले बताए।
पक्राउ परेका दुवैजनालाई आवश्यक कारबाहीका लागि जिल्ला वन कार्यालय दार्चुला पठाइएको प्रहरी नायव उरीक्षक अधिकारीले बताए।
प्रतिक्रिया दिनुहोस !
