कलैया : प्रसौनी गाउँपालिकाले छोरी जन्मेको ३५ दिनभित्र जन्म दर्ता गरी प्रमाणपत्र लिए गाउँपालिकाले १० हजारका दरले २० वर्षसम्म सन्ततिका नाममा बैंकमा रकम जम्मा गरिदिने निर्णय गरेको छ।
गाउँपालिकाको सोमबारको गाउँसभाले आगामी साउनदेखि ‘बेटी बचाऔं, बेटी पढाऔं’ र सुत्केरी महिलालाई भत्ता दिने कार्यक्रम लागू गर्ने तथा गर्भवतीका हकमा दुई पोका नुुन र एक हजारका दरले मासिक भत्तासमेत दिने निर्णय गरेको गाउँपालिकाका अध्यक्ष भोलाप्रसाद गुप्ताले जानकारी दिए।
उमेर नपुगेका छोरीहरूलाई विवाह गर्ने चलनका कारण धेरैको अकालमै ज्यान जाने हुँदा अभिभावकलाई पनि गाउँपालिकाले कम्तिमा पनि २० वर्ष उमेर पुगेपछि विवाह गराउन सुझाव दिएको छ।
गाउँपालिकाको सो निर्णयलाई स्थानीयवासीले स्वागत गरेका छन्।
रासस
प्रतिक्रिया दिनुहोस !
