पहिरोले रुदी हाइड्रोमा क्षति, विद्युत उत्पादन मिति लम्बियो
असार २८, २०७५ बिहीबार १८:४८:०
बेसीशहरः लगातार परेको बर्षाले लमजुङ र कास्की सीमामा बग्ने रुदी खोलामा निर्माणधिन ८ दशमलव ८ मेगावाटको जलविद्युत आयोजनामा क्षति पु¥याएको छ । क्ष्ाित भएपछि काममा अवरोध पुर्याएको छ ।
बर्षासँगैको बाढी पहिरोले आयोजनाको निर्माण भइसकेका संरचना र सडकमा क्षति पु¥याएको हो । लगातारको बर्षा र पहिरोका कारण चालु आर्थिक बर्षमै सक्ने भनिएको आयोजना २ महिना ढिला हुने भएको छ ।
आयोजनाका डिपुटी प्रोजेक्ट म्यानेजर सरोज भट्टराईका अनुसार आयोजनाको परीक्षण उत्पादन भदौ अन्तिममा हुनेछ । ‘दु्रत गतिमा काम भैरहेको थियो बैशाखदेखि भएको बर्षा र त्यसपछिको पहिरोले अबरोध ग¥यो’, भट्टराईले भने, ‘असारमा काम नसकिने भयो । अब भदौसम्म पुग्छ ।’
भट्टराईका अनुसार पहिरोले पेनस्टक पाइप कुच्चाएको छ । सो ठाउँमा पेनस्टक फेर्नुको साथै दोहो¥याएर काम गर्नुपर्ने उनले बताए । यस्तै सर्ज पाइपमा पहिरोले गर्दा एंकर ब्लकको ढलान हुन सकेको छैन ।
पहिरोले सडक अवरुद्ध बनाउँदा आवश्यक निर्माण सामाग्री ढुवानीमा समेत समस्या परेको उनले बताए । ‘बर्षा र बाढीपहिरोले आयोजनाको निर्माण कार्य राम्रोसंग अघि बढ्न सकेको छैन । बन्द नै नभएपनि अवरोध भइरहेको छ’ भट्टराईले भने ।
डेपुटी म्यानेजर भट्टराईकाअनुसार आयोजनाको काम लगभग सकिसकेको छ । पावरहाउसको काम सकिसकेको छ । इलेक्ट्रोमेकानिकल अन्तर्गत टर्बाइन र जेनेरेटरको जडान कार्य सकिएको छ ।
हेडवक्र्स अन्तर्गत सिभिलको काम सकिएको छ । हेडरेस पाइप जडानको काम सकिएको छ । ट्रान्समीसन लाइनको काम सकिएको छ । हाइड्रोमेकालिकलतर्फ गेट राख्ने काम भइरहेको उनले बताए ।
पेनस्टकमा २ वटा एंकर ब्लक ढलानको काम बाँकी छ । सर्ज पाइपमा २ वटा एंकर ब्लक ढलानको काम बर्षाका काराण प्रभावित भएको उनले बताए । ‘अबको ४५ दिनभित्र सबै काम सक्ने योजनामा छौँ । भदौ अन्तिममा परीक्षण उत्पादन पछि केन्द्रिय प्रसारण लाइनमा बिजुली जोडिनेछ’ उनले भने ।
प्रवद्र्धक विन्ध्यवासिनी हाइड्रोपावर डेभलपमेन्ट प्रा.लि निर्माण गरिरहेको सो आयोजनामा सानिमा बैंकको नेतृत्वमा अन्य बैंकले ७० प्रतिशत लगानी रहेका छन् । प्रवद्र्धकको ३० प्रतिशत लगानी रहनेछ ।
लमजुङको क्व्होलासोंथर गाउँपालिका ५ सिङदीगाउँ र कास्कीको मादी गाउँपालिका ८ सिङदीबेसीमा बाँध निर्माण गरिएको सो आयोजनामा ६ किलोमीटर लामो पेनस्टक पाइपमार्फत पानी ल्याएर मादी–९ बालुवाबोसीमा निर्माण गरिएको पावरहाउसबाट विद्युत् निकालिनेछ ।
प्रतिक्रिया दिनुहोस !
