राजविराज : हत्या आरोपमा राजविराज नगरपालिका –९ मलेठमन २२ वर्षीया अन्जना साह र उनका बुवा ४५ वर्षीय रामदयाल साह कारागारमा थुनामा परेका छन् ।
हनुमाननगर कंकालिनी नगरपालिका– ९ घर भई राजविराज नगरपालिका –५ मा डेरा गरी बस्ने ३० वर्षीय दिपेन्द्र मण्डलको हत्या आरोपमा सप्तरी प्रहरीले उनकी पत्नी अन्जना र ससुरा रामदयाललाई गत जेठ ३१ गते पक्राउ गरी कर्तव्य ज्यानको उजुरी दर्ता गरेको थियो ।
श्रीमानसँग मनमुटाव भएपछि मलेठस्थित माइती घरमा बस्दै आएकी कान्छी श्रीमती अन्जनासँग भेटन पुगेका मण्डलको वादविवादका क्रममा कुटपिटबाट जेठ २९ गते राति मृत्यु भएको थियो ।
अत्यधिक मदिरा सेवन गरेर पुगेका मण्डलको श्रीमतीसँग विवादका क्रममा चोटपटक लागि मृत्यु भएको प्रहरीले जनाएको छ । प्रेमविवाह गरेका अन्जना मृतक मण्डलकी कान्छी श्रीमती हुन् । कान्छी श्रीमतीतर्फ एक छोरी र जेठी श्रीमती रेश्मादेवीतर्फ दुई छोरी छन् ।
प्रतिक्रिया दिनुहोस !
