राजविराज : सप्तरीको महदेवा गाउँपालिका–१ मा शुक्रबार बिहान आगलागी हुँदा सात लाख रुपैयाँ मूल्यबराबरको क्षति भएको छ ।
स्थानीय लक्ष्मी इसरको गाई गोठमा विद्युत् सर्ट भई आगलागी हुँदा निजको एउटा गोठ र एउटा घर पूर्णरुपमा जलेर नष्ट भएको प्रहरी उपरीक्षक मुकेशकुमार सिंहले जानकारी दिए ।
आगलागीबाट गोठभित्र रहेको ४० क्विन्टल धान, ४० क्विन्टल गहुँ, नगद जिन्सी, भाँडाकुँडालगायतका सामान जल्दा करीब रु सात लाख मूल्यबराबरको क्षति भएको उनले बताए ।
स्थानीयवासी, प्रहरी र हनुमाननगर कंकालनी नगरपालिकाबाट गएको वारुणयन्त्रले आगो नियन्त्रणमा लिएको थियो ।
प्रतिक्रिया दिनुहोस !
