धनगढी : कैलालीको टिकापुर नगरपालिका ४ मा मोटरसाइकलको ठक्करबाट एक जना साइकल यात्रीको मृत्यु भएको छ। शुक्रबार राति करिब सवा ९ बजे अस्मेली खक्रौला सडक खण्डमा से ६ प २७२६ नम्बरको मोटरसाइकलले साइकल यात्रीलाई ठक्कर दिएको थियो।
मोटरसाइकलको ठक्करबाट जानकी गाउँपालिका – ३ जनकपुर सिविरका ४० वर्षीय टिकुवा चौधरीको मृत्यु भएको हो। मोटरसाइकलको ठक्करबाट गम्भीर घाइते चौधरीको उपचारका क्रममा टिकापुर अस्पतालमा मृत्यु भएको इलाका प्रहरी कार्यालय टिकापुरले जानकारी दिएको छ।
प्रतिक्रिया दिनुहोस !
