कुस्मा : रोजगारीका लागि साउदी अरब पुगेका पर्वतका एक युवाको ज्यान गएको छ। कुस्मा नगरपालिका–७ गोदामका २८ बर्से प्रकाश आचार्यको मृत्यु भएको हो। झण्डै तीन साताअघि राति सुतेकै अवस्थामा ज्यान गएको परिवारले जनाएका छन्।
मृतक आचार्यको शव शुक्रबार नेपाल ल्याइएको छ। २० महिनाअघि रोजगारीका लागि साउदी पुगेका आचार्य कामकै सिलसिलामा सामान्य बिरामी परेका थिए। उपचारका लागि नेपाल फर्कने तयारी गर्दैगर्दा अकस्मात उनको निधन भएको मृतकका बाबु रामजीप्रसाद आचार्यले जानकारी दिए।
अविवाहित उनी परिवारका जेठा छोरा हुन्। उनको मृत्युको खबरले परिवार तथा छिमेक नै भावविह्वल बनेको छ। आचार्यको शव शनिबार कालीगण्डकी नदीको मोदीवेणीघाटमा दाहसंस्कार गरिएको छ।
प्रतिक्रिया दिनुहोस !
