यी १० नायक: जसले फ्रान्स र क्रोएसियालाई विश्वकपको फाइनलमा पुर्याए
असार ३१, २०७५ आइतबार १६:०:०
मस्को (रूस): फ्रान्स र क्रोएसियाबीच आज मस्कोस्थित लुझन्की स्टेडियममा विश्वकप फुटबलको २१ औँ संस्करणको फाइनल खेल हुँदैछ । फ्रान्सले तेस्रो पटक र क्रोएसियाले पहिलो पटक उपाधि भिडन्तका लागि स्थान पक्का गरेका हुन् ।
दुवै टिमलाई यहाँसम्म ल्याउनमा उनीहरुका पाँच-पाँच खेलाडीले अहम भूमिका निभाए प्रतियोगिता अघि ब्राजिल, अर्जेन्टिना, बेल्जियम, स्पेन, इङ्ग्ल्यान्ड र जर्मनीलाई उपाधिका बलिया दावेदार बताइएको थियो । तर उनीहरु क्वार्टर फाइनलबाट अघि बढ्नै सकेनन् । अर्कातिर फ्रान्स र क्रोएसियाले आफ्नो भिडन्तमा ठुला ठुला टिमलाई पाठ सिकाउँदै फाइनलको यात्रा तय गरे ।
फ्रान्सका ५ नायक: किलियन एम्बाप्पे, एन्टोनी ग्रिजम्यान, पल पोग्बा, एनगोलो कान्टे र हुगो लोरिस
क्रोएसियाका ५ नायक: लुका मोड्रिच, इभान रकिटिच, मारियो मान्जुकिच, इवान पेरिसिच, डेनियल सुबासिच
६० प्रतिशत गोल ग्रिजम्यान-एम्बाप्पेबाट
फ्रान्सले यस विश्वकपमा ६ खेल खेल्दै १० गोल गरे। जसमा एन्टोनी ग्रिजम्यान र किलियन एम्बाप्पेले ३-३ गोल गरे । अर्थात् कुल गोलको ६० प्रतिशत । टिमका लागि सबैभन्दा धेरै पास मिडफिल्डर पल पोग्बा (२६४) र एनगोलो कान्टे (३५१) ले दिए ।
दुवै मिलेर आप्नो टिमलाई कुल पास (२७७५) को २२.१६ प्रतिशत गरे । गोलकिपर ह्युगो लोरिसले पाँच खेलमा ७३.३ प्रतिशत सेभिङ रेकर्ड बनाएका छन् । उनले पछिल्ला खेलमा ७ सटलाई गोलपोस्टमा जानबाट रोके ।
मोड्रिच-रकिटिचबीच २३.९४ प्रतिशत पास
क्रोएसियालाई पहिलो पटक उपाधिको दाबेदार बनाउने क्रममा उसका अनुभवी खेलाडी लुका मोड्रिच र इभान रकिटिचले प्लेमेकरको भूमिका निभाए। टिमको कुल पास (३,३६५) को २३.९४ प्रतिशत पास यिनै दुवै मिलेर गरे ।
क्रोएसियाले यस विश्वकपमा १२ गोल गरेको छ । जसमा मोड्रिच, रकिटिच, पेरिसिच र मान्जुकिचले मिलेर ७ गोल गरे । गोलकिपर डेनियल सुबासिचले ५ खेलमा ७५ प्रतिशत गोल बचाएका छन् । उनले दुई पेनल्टी सुट आउटमा पनि २-२ पटक गोललाई पोस्टमा जानबाट जोगाए ।
बेल्जियमको गल्ती
क्वार्टर फाइनलसम्म आफ्ना सबै खेल जितेको बेल्जियम सेमिफाइनलमा लड्खडाएको देखियो । लगातार २४ खेल जितेको बेल्जियमका खेलाडी फ्रान्सविरुद्ध सुरुबाटै लड्खडाएका थिए । रोमेलु लुकाकू र केभिन डी ब्रुइनले आफ्नो सटलाई गोलमा परिणत गर्न चुके ।
फ्रान्सले पहिलो गोल गरेपछि तुरुन्त आफ्नो पोजिसन फेर्यो । उसले दुई फरवार्ड राखिरह्यो तर चार मिडफिल्डरको स्थानमा ३ गरेर सेन्टर ब्याकमा एक डिफेन्डर बढाइदियो ।
इङ्ग्ल्यान्डको गल्ती
समूह चरण र नकआउटको पहिलो दुई भिडन्तमा इङ्ग्ल्यान्डका कप्तान ह्यारी केन फरवार्डका रूपमा खेले । तर सेमिफाइनलमा उनी मिडफिल्डमा खेलेको देखियो । यसले इङ्ग्ल्यान्डको लय बिग्रिन पुग्यो ।
अर्कातिर क्रोएसियाले यस्तो गल्ती गरे । उसले मैदानमा नियमित अन्तरालमा आफ्नो खेलाडीको पोजिसन परिवर्तन गरिरह्यो । उसका कप्तान लुका मोड्रिच कहिले डिफेन्सिभव मिडफिल्डर त कहिले स्ट्राइकरको भूमिकामा खेलिरहे । यसको फाइदा उससलाई खेलमा जितको रुपमा मिल्यो ।
क्रोएसियाले पछिल्ला तीन खेल अतिरिक्त समयमा जितेको छ। तर फ्रान्सले सबै खेल नियमित समयमै आफ्नो पक्षमा पार्यो । रेकर्ड हेर्ने हो भने उपाधि भिडन्तमा फ्रान्स बलियो देखिन्छ । यस विश्वकपमा फ्रान्सले सबै खेल नियमित समयमै जितेको छ । अर्कातिर क्रोएसियाले नकआउटका बसै खेल अतिरिक्त समयमा पुगेर जित्यो ।
यस्तो छ इतिहास
दुवैबीच विश्वकपमा अहिलेसम्म (१९९८8, सेमिफाइनल) मा भेट भएको थियो । त्यो खेलमा फ्रान्स २-१ ले विजयी भयो । अन्तरराष्ट्रिय भेटमा दुवै टिम ५ पटक आमने सामने भएका छन् । जसमा फ्रान्सले सुरुवाती ३ खेल (१९९८, १९९९ र २०००) मा जीत हासिल गर्यो । तर अन्य २ खेल (२००४ र २०११) मा दुवै टोलीले बराबरी खेलेका थिए ।
प्रतिक्रिया दिनुहोस !
