काठमाडौँ: स्पेनमा फुटबल खेलेर फर्किएका चेलीहरुले आइतवार उपराष्ट्रपति नन्दबहादुर पुनलाई भेटेका छन् । मुगुका १४ वर्ष मुनिका किशोरीहरुलाई उपराष्ट्रपति कार्यालयमा पुनले स्वागत गरेका हुन् । भेटका क्रममा किशोरीहरुले स्पेनसम्मको यात्राका रोचक अनुभूति सुनाए ।
किशोरीहरुका कुरा सुनेपछि उपराष्ट्रपति पुनले अन्धविश्वासमा नलागी पढाई अघि बढाउन आग्रह गरे । 'स्पेनमा नेपाली झण्डा फहराउनु भएकोमा धन्यवाद ! पढाई नछाड्नु होला, अन्धविश्वास नमान्नु होला ।'
जुलाई १ देखि ७ सम्म स्पेनको सान्सेबास्टियान भएको ‘डोनोष्टि कपमा सहभागिता जनाएर नेपाली किशोरीहरु फर्किएका हुन् । स्पेनमा ३३ देशबाट ६ सय ३० टिम सहभागीमध्ये टिम राराका १७ किशोरीले पनि प्रतिस्पर्धा गरेका थिए ।
प्रतिक्रिया दिनुहोस !
