काठमाडौं : ‘नेपालको शिक्षा उत्कृष्ट शिक्षा’ भन्ने मुल नाराका साथ आगामी बुधबारदेखि राजधानीमा चौथो व्यवस्थापन तथा आईटी सम्बन्धी शैक्षिक मेला आयोजना हुने भएको छ।
पाठशाला एजुकेशन फाउण्डेशनले साउन २ र ३ मा काठमाडौंको होटल अन्नपूर्णमा आयोजना गर्न लागेको शैक्षिक मेलामा एमबीए, एमबीएस, एमएससी, सिएसआइटी, बीबीए, बीएससी, सिएसआइटी, बीएलटी, बीआइएम, बीएचएम, बीबीआइएस, बिटिटिएम, बिबिएम, बिएचटिएम, बिएसडब्लु, बिबिएस, बिबिए बिआइ, बिई, बीडिएफइन, बीडिइभ्सलगायतका शैक्षिक उपाधिहरु प्रदान गर्ने ३८ शैक्षिक संस्थाहरुको सहभागिता रहने राजधानीमा पत्रकार सम्मेलनमार्फत जानकारी गराइएको छ ।
झण्डै ५६ वटा स्टलहरु रहने सो दुई दिने शैक्षिक मेलामा करिब सात हजार विद्यार्थीहरुको सहभागिता रहने अपेक्षा गरिएको छ । नेपालमै व्यवस्थापन तथा आईटीतर्फ उच्च शिक्षामा गुणस्तरिय शिक्षा तथा कम खर्चमा अन्तर्राष्टिय डिग्री हासिल गर्न सकिने पाठशाला एजुकेसन फाउण्डेशनका निर्देशक सुवाष दंगालले बताए ।
तेस्रो शैक्षिक मेलामा ५५०० विद्यार्थीहरुको सहभागिताले यस वर्ष कक्षा ११, १२ अध्ययन गर्दै रहेका र कक्षा १२ को परीक्षा सकेर बसेका सात हजार विद्यार्थीको सहभागिता रहने उनले विश्वास व्यक्त गरे।
शैक्षिक मेलामा पोखरा विश्वविद्यालयका नौ शैक्षिक संस्था, छ वटा त्रिभुवन विश्वविद्यालय, तीन वटा पूर्वाञ्चल विश्वविद्यालय, दुई वटा काठमाडौं विश्वविद्यालय, एक मध्यपश्चिम विश्वविद्यालय गरी पाँच वटा नेपाली विश्वविद्यालयका कलेजहरु, दुई वटा सिए र एक अन्य अध्यापन गराउने संस्थाहरुको सहभागिता रहने भएको छ । त्यस्तै युके, मलेसिया, अमेरिकी विश्वविद्यालयबाट सम्बन्धन प्राप्त १५ वटा विदेशी विश्वविद्यालयका कोर्ष पढाउने संस्थाहरुको सहभागिता रहने मेलाको इभेन्ट मेनेजर इन्टरडक्सन टे«ड सो नेपाल प्रालिका प्रबन्ध निर्देशक सुमन महर्जनले जानकारी दिए ।
शैक्षिक मेलाको टाइटल स्पोन्सर आईआईएमएस कलेज रहेको छ भने पाटन कलेज फर प्रोफेसनल स्टडिज इन एसोसियसनमा रहेको छ । मेला पावर वाई टेक्सास कलेज अफ म्यानेजमेंट एण्ड आई।टीले गरेको छ भने स्पोन्सरमा हेराल्ड कलेज र को–स्पोन्सरमा मल्पी इन्टरनेशनल कलेज रहेको छ ।
पत्रकार सम्मेलनमा टेक्सास कलेजका प्रमुख कार्यकारी अधिकृत भेषराज पोखरेल, आइआइएम कलेजका प्रमुख कार्यकारी अधिकृत सचिन प्रधानलगायतले नेपालमै व्यवस्थापन तथा आइटीतर्फ उच्च शिक्षामा गुणस्तरीय शिक्षा कम खर्चमा अन्तराष्टिय डिग्री हासिल गर्न सकिन्छ भन्ने विगतका मेलाहरुले पनि प्रमाणित गरिसकेको बताए।
प्रतिक्रिया दिनुहोस !
