एजेन्सी : अमेरिकी राष्ट्रपति ट्रम्पले युरोपीयन संघ (इयु) अमेरिकाको शत्रु भएको बताएका छन् । ट्रम्पले ‘सीबीएस इभनिङ न्यूज’का समाचार प्रस्तोता जफ ग्लोरको प्रश्नमा यस्तो जानकारी दिएका हुन् । जफले राष्ट्रपति ट्रम्पलाई सोधे, ‘तपाईंलाई के लाग्छ, हाल विश्वमा अमेरिकाको सबैभन्दा ठूलो शत्रु कुन हो रु ’ उक्त प्रश्नको जवाफ थियो, ‘मलाई लाग्छ, हाम्रा निकै धेरै शत्रु छन् ।
युरोपेली युनियन हाम्रो ठूलो शत्रु हो । इयुले व्यापारिक क्षेत्रमा हामीसँग शत्रुको व्यवहार गरेको छ । तपाईं यस्तो सोच्नुहुन्न तर उनीहरू हाम्रा शत्रु नै हुन् ।’ उनले शत्रुमध्ये केही अरूको पनि नाम लिए । कुनै अंशमा रूस दुश्मन भएको उनले चर्चा गरे । अमेरिकाका लागि चीन आर्थिक रूपमा शत्रु भएको भनाइ राखे । यिनीहरू शत्रु नै भए पनि खराब नभएको उनको कथन थियो ।
प्रतिक्रिया दिनुहोस !
