कञ्चनपुर : कृष्णपुर नगरपालिका–५ आमखैया जंगल नजिक मंगलबार दुई भ्यान एकआपसमा ठोक्किदा दुई जनाको मृत्यु भएको छ ।
दुर्घटनामा ११ जना घाइते भएका छन् । घाइतेमध्ये दुई जनाको अवस्था गम्भीर रहेको इलाका प्रहरी कार्यालय, कृष्णपुरका प्रहरी नायब निरीक्षक भरत धामीले जानकारी दिए । मृत्यु हुनेमा कैलालीको गोदाबरी नगरपालिका–४ का २४ वर्षीया रीना चौधरी र उनको एक वर्षीय छोरा रिदम रहेको प्रहरीले जनाएको छ ।
महेन्द्रनगरबाट धनगढीतर्फ जाँदै गरेको म १ ज २५० नम्बरको भ्यान र धनगढीबाट महेन्द्रनगरतर्फ जाँदै गरेको बा १० ज ४९१८ नम्बरको को म्याजिक भ्यान ठोक्किएका हुन् । घाइतेको कैलालीको अत्तरियास्थित पद्मा अस्पतालमा उपचार भरहेको छ ।रासस
प्रतिक्रिया दिनुहोस !
