रुकुम(पूर्व): रुकुम(पूर्व) स्थित सिस्ने गाउँपालिका–५ मा जीप दुर्घटना हुँदा चारजनाको मृत्यु भएको छ । सिस्ने गाउँपालिकाको रुकुमकोटबाट साही गाउँपालिकाको धौलापैरा भन्ने ठाउँमा जादै गरेको लु १ ज २५७३ नम्बरको जीप धारपानीमा दुर्घटना हुँदा चारजनाको मृत्यु भएको हो ।
मृतकहरुको पहिचान हुन सकेको छैन । दुर्घटनामा केही यात्रु घाइते पनि भएका छन् । घाइतेलाई उद्धार गरी स्वास्थ्य संस्थासम्म ल्याउने काम भइरहेको छ । नेपाली सेना, प्रहरी र स्थानीयले उद्धार गरिरहेका छन् ।
घटनाको विस्तृत विवरण आउँन बाँकी रहेको जिल्ला प्रहरी कार्यालय रुकुम(पूर्व)ले जनाएको छ । जीप सडकबाट करिब एक सय मिटर तल खसेको छ । बर्षाको समयमा सडक चिप्लो भएका कारण जीप दुर्घटना भएको हुन सक्ने अनुमान गरिए पनि के कारणले दुर्घटना भयो भन्ने बारेमा जानकारी हुन सकेको छैन ।
प्रतिक्रिया दिनुहोस !
