लस एन्जेलस : अमेरिकन रग्बी क्लब डालास काउब्वाइज विश्वकै मूल्यवान् खेलकुद क्लब बनेको छ ।फोर्ब्सले सार्वजनिक गरेको पछिल्लो रिपोर्टअनुसार काउब्वाइज सबैभन्दा मूल्यवान् देखिएको हो । काउब्वाइजको मूल्य ४.८ बिलियन अमेरिकी डलर रहेकोफोर्ब्सले जनाएको छ । काउब्वाइजको मूल्य गत वर्षको तुलनामा १४ प्रतिशत वृद्धि भएको जनाइएको छ ।
काउब्वाइजपछि इङ्लिस फुटबल क्लब म्यानचेस्टर युनाइटेड दोस्रो स्थानमा देखिएको छ । म्यान युनाइटेडको मूल्य ३.६७ बिलियन अमेरिकी डलर छ । तेस्रो र चौथो स्थानमा क्रमशः स्पेनिस ला लिगा क्लब रियल म्याड्रिड र बार्सिलोना रहेका छन् । रियलले यो सूचीमा बार्सिलोनालाई जितेको हो । च्याम्पियन्स लिग विजेता रियलको मूल्य ४.०९ बिलियन अमेरिकी डलर र बार्सिलोनाको मूल्य ४.०६५ रहेकोफोर्ब्सले जनाएको छ ।
रियलको मूल्यमा गत वर्षको भन्दा १४ प्रतिशतले वृद्धि हुँदा बार्सिलोनाको मूल्य भने १२ प्रतिशतले मात्रै वृद्धि भएको हो । सन् २०१७ मा दोस्रो स्थानमा रहेको बेसबल टोली न्युयोर्क याङ्किज यो वर्ष पाँचौं स्थानमा पुगेको छ । उसको मूल्य ३.०६ बिलियन छ । हालै रुसमा सम्पन्न विश्वकप फुटबलले म्यान युनाइटेड, रियल र बार्सिलोनाको मूल्य वृद्धि हुनुमा महत्वपूर्ण भूमिका खेलेको फोर्ब्सको निष्कर्ष छ ।
यो सूचीमा अन्य फुटबल क्लबहरू भने निकै पछि देखिएका छन् । जर्मन फुटबल क्लब बायर्न म्युनिख १२औं, इङ्लिस क्लब म्यानचेस्टर सिटी ३०औं, आर्सनल ३९औं र चेल्सी ४६औं स्थानमा पुगेका छन् । बायर्नको मूल्य २.३५ बिलियन अमेरिकन डलर छ भने म्यान सिटीको १.८९ बिलियन, आर्सनलको १.७१ बिलियन र चेल्सीको १.५८ बिलियन अमेरिकन डलर मूल्य रहेको छ ।
प्रतिक्रिया दिनुहोस !
