काठमाडौँः प्राध्यापक डाक्टर गोविन्द केसीको २१ दिनदेखि जारी अनशनलाई लिएर प्रधानमन्त्री केपी शर्मा ओली र नेपाल कम्युनिस्ट पार्टीका अध्यक्ष पुष्पकमल दाहाल प्रचण्डबीच बालुवाटारमा भेटवार्ता भइरहेको छ ।
प्रधानमन्त्रीको सरकारी निवास बालुवाटारमा भइरहेको भेटवार्तामा केसीको अनशनबाट उत्पन्न जटिलता समाधान गर्नेबारेमा दुई नेताबीच छलफल भइरहेको स्रोतले जनाएको छ ।
केसीको अनशन २१ औँ दिनमा पुगिसक्दा पनि मौन रहँदै आएका प्रचण्ड र जुम्लास्थित अस्पताल हस्तक्षेप गरेपछि आलोचित बनेका प्रधानमन्त्रीबीचको यो भेटवार्तालाई अर्थपूर्णरुपमा लिइएको छ ।
केसी प्रकरणमा सरकार अफ्ठेरोमा परेको अवस्थामा पनि प्रचण्ड मौन रहँदै आएका छन् । प्रचण्डका प्रेस संयोजक विष्णु सापकोटाले दुई नेताबीचको भेटवार्ताबारे पुष्टि गर्दै समसामयिक अवस्था, सरकारको भूमिका र पार्टीको गतिविधिबारे छलफल भइरहेको बताएका छन् ।
प्रतिक्रिया दिनुहोस !
