मलंगवा: करेन्ट लागेर सर्लाहीको हरिपूर्वामा सोमवार २ जनाको ज्यान गएको छ । यो घटनामा १ जना गम्भीर घाइते भएकी छिन् । हरिपूर्वा नगरपालिका–९, वसन्तपुरको बगेबा गाउँ निवासी ३६ वर्षीय नरेन्द्र चौधरी र १४ वर्षीया सुनिता खत्वे मण्डलको मृत्यु भएको प्रहरीले जनाएको छ ।
स्थानीय २० वर्षीया फूलोदेवी महतो गम्भीर घाइते भएकी छिन् । घाइते महतोको स्थानीय स्वास्थ्य केन्द्रमा उपचार भइरहेको इलाका प्रहरी कार्यालय केशरगंजका प्रहरी निरीक्षक गौरव महतले जानकारी दिएका छन् ।
दिउँसो सबा साढे ३ बजे घरको स्वीच अन गर्ने क्रममा उनीहरुलाई करेन्ट लागेको स्थानीयले बताएका छन् । ११ हजार भोल्टेजको हाइटेन्सन लाइनको तार खसेर घरमा वितरण गर्ने २४० भोल्टेजको तारमा छोएका कारण हाई भोल्टेज आउँदा स्वीच अन गर्दा उनीहरुलाई करेन्ट लागेको बताइएको छ ।
प्रहरीले भने विस्तृतमा अनुसन्धान भइरहेकाले घटना के कसरी भयो भन्ने अहिले नै एकिन गर्न नसकिने जनाएको छ । विद्युत प्राधिकरणका कर्मचारी र स्थानीयसँग बुभ्mने काम भइरहेको प्रहरी निरीक्षक महतले जानकारी दिए । स्थानीय बासिन्दाका अनुसार उक्त क्षेत्रमा बिहानैदेखि विद्युत प्राधिकरणको मर्मत संभार गरिरहेको थियो ।
प्रतिक्रिया दिनुहोस !
