काठमाडौं : विभागीय टोली एपिएफ क्लबका निराजन देवकोटा र त्रिभुवन आर्मी क्लबका रुकेश महर्जन अन्नपूर्ण पोस्ट् अन्तर्राष्ट्रिय कर्पोरेट ब्याडमिन्टन प्रतियोगिता अन्तर्गत पुरुष एकलतर्फ दोस्रो चरणमा प्रवेश गरेका छन् ।
निराजनले अर्काे विभागीय टोली नेपाल पुलिस क्लबका पूर्ण बहादुर पाथालाई हराए । दिनको पहिलो प्रतिस्पर्धात्मक खेलम निराजनले पूर्णलाई २१-१०, १७-२१, २१-१७ ले पराजित गरे । रुकेशले बंगलादेशका मइनुल पर्भेजमाथि २१-१३, २१-१४ को सेटमा सहज जित निकाले ।
पुरुष एकलतर्फकै अन्य खेलमा विदेशी खेलाडीविरुद्ध जित हात पार्दै नेपालका बैकुण्ठ श्रेष्ठ र अखिल श्रेष्ठ पनि दोस्रो चरणमा पुगे । बैकुण्ठले बंगलादेशका प्रभाल हसन तालुक्दारलाई २१-१६, १३-२१, २१-१० को सेटमा हराए । एपास इन्टरनेसनलका अखिलले भारतका ऐहसान कबीर अलीविरुद्ध २१-१८, २१-१७ को सेटमा जित निकाले । पुरुष एकलतर्फ भारतका राजदीप शर्माले पनि विजयी सुरुवात गरे । उनले क्षेत्र नम्बर चारका विवेक विसीलाई २३-२१, २१-१४ को सेटमा हराए ।
यसैगरी महिला एकलतर्फ प्रदेश नम्बर चारकी प्रजिता गुरुङ र प्रदेश नम्बर ६ की पुष्पा साही बिपक्षी खेलाडीबाट वाक ओभर पाए । प्रजिताले प्रदेश नम्बर सातकी बिमला ओझा तथा पुष्पाले प्रदेश नम्बर सातकी मियोन तामाङबाट वाक ओभर पाएका हुन् । सोही स्पर्धामा प्रदेश नम्बर पाँचकी समिक्षा न्यौपाने र सुष्मा श्रेष्ठ तथा पाकिस्तानकी सम्जाद महुर भने आआफ्नो खेलमा जित हात पार्दै दोस्रो चरणमा प्रवेश गरेका छन् । समिक्षाले प्रदेश नम्बर दुईकी स्मृति राईलाई २१-६, २१-७, सुष्माले प्रदेश नम्बर दुईको चित्र हरीत्वालालाई २१-११, २१-९ तथा सम्जादले प्रदेश नम्बर ६ की सेस्ना श्रीपालीलाई २१-५, २१-२ को सेटमा हराए ।
समिक्षाले यू-१९ महिला एकलतर्फ पनि विजयी सुरुवात गरेकी छिन् । समिक्षाले महिला एकलतर्फ बाई पाएकी प्रदेश नम्बर चारकी प्रजिता गुरुङलाई २१-१३, २१-१० ले पराजित गरीन् । यस्तै यू-१९ महिला एकलतर्फ प्रदेश नम्बर चारकी आक्रिती केसी, प्रदेश नम्बर ६ की अग्रिमा भन्डारी र एसबीआई बैंककी सम्भावी पलकले पनि आफ्नो पहिलो खेलमा जित हात पारे ।
यू-१९ को पुरुष एकलतर्फ बिनायक लाल श्रेष्ठ र सविन तामाङले दोस्रो चरणमा स्थान सुरक्षित गरेका छन् । बिनायकले विपक्षी खेलाडी एसबीआई बैंकका सम्भारी पलकबाट वाल्क ओभर पाए भने सबिनले हेमाङ हाङ लिम्बूलाई २१-९, २१-३ ले हराए ।
पुरुष युगल
पुरुष युगलतर्फ बंगलादेशका प्रवल हसन तालुक्दार र मोहम्मद सलमान खानको जाडीले विजयी सुरुवात गरेका छन् । हसन र सलमानको जोडीले नेपालका लाइफ फार्माका बिनोद पौडेल तथा प्रदेश नम्बर पाँचका विवन थापाको जोडीलाई २१-१६, २१-१२, २१-१६ को सेटमा पराजित गर्यो । भारतका शुभ देय र राजदीप शर्मा, नेपालका गणेश रायमाझी र विश्वास नेपाल तथा प्रदेश नम्बर चारका बिशाल बस्नेत र विधान अधिकारीको जोडीले पनि प्रतियोगितामा सुखद् सुरुवात गरेका छन् ।
भारतका शुभ र राजदीपको जोडीले नेपालको प्रदेश नम्बर दुईका सुनिल परियार र सन्तोस कटुवालको जोडीलाई २१-१६, २१-१२, गणेश र विश्वासको जोडीले प्रदेश नम्बर पाँचका सरोज अन्सारी र शिभ तहपको जोडीलाई २१-१६, २१-९ तथा बिशाल र बिधानको जोडीले प्रदेश नम्बर सातका केशव भट्ट र सुरेश बमको जोडीलाई २१-१२, २१-१३ को सेटमा हराए ।
पुरुष एकल कर्पोरेट
कर्पोरेटतर्फको पुरुष एकलमा रमेश आचार्य, बाल मुकुन्द ढुंगाना, मनोज मानन्धर र हरीकुमार शर्माले आफ्नो पहिलो खेलमै वाल्क ओभर पाएर दोस्रो चरणमा पुगेका छन् । रमेशले अनुजराज पौडेल, बाल मुकुन्द ढुंगानाले पेम्बा लामा तामाङ, मनोजले बिशाल सापकोटा र हरीकुमारले सुकन्त अधिकारीबाट वाक ओभर पाएका हुन् । सुरेन्द्र कार्की र प्रकाश थापा भने आआफ्नो खेलमा जित हात पार्दै दोस्रो चरणमा पुगेका छन् । सुरेन्द्रले कृष्ण ध्वज खड्कालाई १९-२१, २१-११, २१-७ र प्रकाशले विरेन्द्रसिंह बिष्टलाई २१-१९, २१-९ को सेटमा हराए ।
पुरुष युगल एक्जुकेटिभ
पुरुष युगल एक्जुकेटिभतर्फ तीन खेलाडीले वाक ओभर पाएका छन् । कुमारी बैंकका निरज राई र बिक्रम निरौला, श्री उपकारका सञ्जय त्रीपाटी र निराजन कडेँल तथा बिस्टर फिडका गोपाल टन्डन र प्रदेश नम्बर पाँचका जिवन थापाको जोडीले आफ्नो पहिलो खेलमा बाई पाउँदै दोस्रो चरणमा पुगे । निरज र बिक्रमको जोडीले एनएसीका जेबी चन्द र जी भट्ट, सञ्जय र निरञ्जनको जोडीले नेबिल बैंकका छबी जोशी र राम सिंह चौधरी तथा गोपाल र जिवनको जोडीले आरबीबीका देभेन्द्र खनाल र टेकराज जोशीको जोडीबाट वाक ओभर पाएका हुन् ।
सिल्क किचेनका शम्भु भट्टराई र गणेश रायमाझी, महालक्ष्मी पेन्ट्सका राजन गोले र सुरेश कार्की तथा बाबा पल्ट्रीका भानु भक्त खत्री र राजु गुरुङको जोडी आआफ्नो खेलमा जित हात पार्दै दोस्रो चरणमा पुगेका छन् । शम्भु र गणेशको जोडीले आरबीबीका उद्धव प्रसाद खनाल र राजेन्द्र प्रशाद दाहालको जोडीलाई २१-५, २१-८, राजन र सुरेशको जोडीले लाइफ फर्माका बिनोद पौडेल र किरण बिष्टको जोडीलाई २१-१७, २१-१६ तथा भानु र राजुको जोडीले अन्नपूर्ण राइसका सुरज महर्जन र दीनेश महर्जनको जोडीलाई २१-१४, २६-२८, २४-२२ को सेटमा पराजित गरे । नेपाल टेलिकमका हरी कुमार शर्मा र सुरेन्द्र कार्कीको जोडी पनि चन्दन स्टोरका राजमान महर्जन र चन्दन महर्जनको जोडीमाथी २१-११, २१-१० को सोझो सेटमा जित हात पार्दै पदोस्रो चरणमा पुगे ।
पुरुष युगल कर्पोरेट
यसैगरी कर्पोरेटतर्फ पुरुष युगलमा ६ जोडीले वाक ओभर पाएका छन् । सडक बिभागका बाशुदेव घिमिरे र मुकुन्द अधिकारी, नेपाल राष्ट्र बैंकका रेशम बहादुर बलचौडी र दीलाराम सुबेदी, अरुण द्वा र केशव आचार्य, हिमालयन बैंकका अमृत मल्ल र सिद्धार्थ शर्मा, एसबी संघका बिष्णु बम्जन र हरी बहादुर रोक्का तथा नबिल बैंकका सन्तोष जोन्चेन र पूर्ण लोप्चन आफ्नो पहिलो खेलमै बाई पाउँदै दोस्रो चरणमा पुगेका हुन् ।
नेपाल टेलिकमका हरी कुमार शर्मा र राजेन्द्र श्रेष्ठ, बुटवल पावरका सुदीप बुढाथोकी र खगेन्द्र रेगामी, मञ्जु श्रीका सुरेन्द्र कटुवाल र सुर्ब खत्री तथा हिमालका कमल कुमार चौधरी र कृष्ण खड्काको जोडी भने आफ्नो खेलमा जित हात पार्दै प्रतियोगिताको दोस्रो चरणमा पुगेका छन् ।
निम्बुसका पञ्कोज शर्मा र राजन सिग्देल, लामा कन्सट्रक्सनका लाक्पा तेन्जिङ तामाङ र पञ्च तामाङ, नेपाल एनआरबीका बिशेन महर्जन र सिंगमान महर्जन, एनआरबीकै पदमराज जोशी र पदम बहादुर मि श्र तथा महालक्ष्मी पेन्ट्सका उज्वल शाक्य र शान्त डंगोलको जोडी पनि कर्पोरेटको पुरुष युगलतर्फ आफ्नो पहिलो खेलमा जित हात पार्दै दोस्रो चरणमा पुगेका छन् ।
यसैगरी आइपीपीका आदर्श बिष्ट र सुबास उलाक, बिस्टर फिडका गोपाल टन्डन र श्री भैरवका प्रकाश थापा, यूई डटकमका हरी श्रेष्ठ र हरी ओम गुप्ता तथा एनसेलका रञ्जन शर्मा र सुकन्ता अधिकारी पनि प्रतियोगिताको दोस्रो चरणमा प्रवेश गरेका छन् । सोही स्पर्धामा बी एन्ड बीका शीभ नाथ पान्डे र बल मुकुन्द ढुङ्गेल, जलेवाका रुद्रबहादुर थिङ र एपेस इन्टरनेशनलका अखिल श्रेष्ठ, आईपीपीका अरुण बलामी र सुमन पोखरेल, क्यानका बिक्रमराज गौतम र नरेन्द्रबहादुर गौतम तथा आकर्षणका सुक्र पाख्रिन र मिलन थापा पनि दोस्रो चरणमा पुगेका छन् ।
प्रतिक्रिया दिनुहोस !
