काठमाडौँः त्रिभुवन विमानस्थलमा अवतरणका लागि आएको जहाज मौसम बिग्रेपछि आकाशमै होल्ड भएको छ । चीनको कुङमिङबाट काठमाडौँका लागि आएको चाइना इस्र्टन एयरलाइन्सको जहाज विमानस्थलको मौसम बिग्रेपछि आकाशमा फन्को लगाएर कोलकाता पुगेको हो ।
दिउँसो ३ बजेर १५ मिनेटमा अवतरण हुनुपर्ने चाइना इस्टर्न एयरलाइन्सको जहाज वीरगञ्जको आकाशमा ६ फन्को लगाएपछि कोलकाता पुगेको हो । त्यहाँ पनि अवतरण हुन पालो नपाउँदा यो जहाजले अहिले कोलकाताको आकाशमाथि पनि फन्को लगाइरहेको छ ।
एमयु ७५७ को यो जहाज कोलकाताको जहाजमा फन्को लगाउँदै अहिले अवतरणको प्रतीक्षमा छ । त्यसै त्रिभुवन विमानस्थलमा अवतरणका लागि विराटनगरबाट आएका बुद्ध र यति एयरका जहाज पनि आकाशमै होल्ड भएका छन् । त्रिभुवन विमानस्थल कार्यालयका अनुसार पानी परेर भिजिबिलिटी २ हजार मिटर भन्दा तल झर्दा जहाज आकाशमै होल्ड र डाइभर्ट गर्नुपरेको हो ।
प्रतिक्रिया दिनुहोस !
