जुम्ला : जिल्लाको पातारासी गाउँपालिका–५ मा गएको पहिरोमा परी एक जना बेपत्ता भएका छन् भने दुई जना घाइते भएका छन् ।
जिल्ला सदरमुकाम खलंगादेखि पूर्वीभेगमा पर्ने पातारासी गाउँपालिका–५ लोर्पमा गएराति गएको पहिरोमा परी स्थानीय २८ बर्षीय डम्बरसिंह बुढा बेपत्ता भएको जिला प्रहरी कार्यालय, जुम्लाले जनाएको छ ।
अविरल बर्षाका कारण गएको उक्त पहिरोमा परी स्थानीय भेषबहादुर बुढा र खड्कबहादुर बुढा सामान्य घाइते भएको प्रहरी निरीक्षक प्रकाश केसीले जानकारी दिए । घाइते दुबै जनाको स्थानीय मेडिकलमा उपचार भइरहेको छ । बेपत्ता व्यक्तिको उद्धारका लागि खोरी कार्य जारी रहेको जनाइएको छ ।
प्रतिक्रिया दिनुहोस !
५
