काठमाडौं : आइतबार लण्डनको लर्ड्र्स मैदानमा भएको त्रिकोणात्मक टीट्वीन्टी श्रृंखला अन्गरगत नेपाल र नेदरल्याण्ड्सबीचको खेल नतजिाविहीन भएको छ । नेपालले दोस्रो पटक टीट्वीन्टी मान्यता पाएपछि खेलेको पहिलो अन्तराष्ट्रिय खेल नै वर्षाका कारण नतिजाविहीन बनेको हो ।
नतिजाविहीन भएपछि दुवै टोलीलाई संयुक्त विजेता घोषणा गरिएको छ। नेपालले टस जितेर पहिले फिल्डिङ रोजेपछि व्याटिङ गरेको नेदरल्याण्ड्सले १६.४ ओभर खेल्दा ४ विकेटको क्षतिमा १७४ रन बनाएको थियो । वर्षाका कारण खेल अगाडी बढाउन सम्भव नभएपछि नतिजाविहीन बन्न पुग्यो।
लर्ड्र्स मैदानमा नेपाली क्रिकेट टिम । तस्बिर सोजन्यः रमण शिवाकोटी
आफ्नो पहिलो खेलमा एमसिसीमाथि जित निकालेका नेपाल र नेदरल्याण्ड्सलाई एक-एक अंक बाड्दै त्रिकोणात्मक टीट्वीन्टी श्रृंखलाको संयुक्त विजेता घोषणा गरिएको हो ।
पहिलो खेलमा नेपालले मेरिलेबोन क्रिकेट क्लब (एमसीसी)माथि ९ विकेटको निकालेको थियो ।
प्रतिक्रिया दिनुहोस !
