महोत्तरी: यहाँको पिपरा गाउँपालिका–५ स्थित चहोडवामा एउटा टाटा सफारीले ठक्कर दिँदा एक महिलाको ज्यान गएको छ । बा११च ८२६३ नम्बरको सफारीले ठक्कर दिँदा तरकारी किन्न बजार जाँदै गरेकी सथानीय महिला ३५ वर्षीया रेखादेवी यादवको ज्यान गएको हो ।
चहोडबाट तरकारी किन्न पिपरा बजार जाँदै गरेको अवस्थामा उनीहरुलाई सफारीले ठक्कर दिएको थियो । जनकपुर–जलेश्वर–भिठ्ठामोड सडकखण्डमा भएको यो दुर्घटनामा रिंकुदेवी यादव गम्भीर घाइते भएकी छन् ।
रेखादेवीलाई गम्भीर घाइते अवस्थामा जनकपुर लाँदै गर्दा ज्यान गएको हो । रिंकुलाई पनि उपचारका लागि जनकपुर लगिएको प्रहरीले जनाएको छ ।
प्रतिक्रिया दिनुहोस !
