तुलसीपुर : प्रदेश सभामा सभामुख र उपसभामुख फरक-फरक राजनीतिक दलको हुनु पर्ने माग गर्दै प्रदेश ५ का कांग्रेस सासदसले उच्च अदालतका रिट दायर गराएका छन्।
प्रदेश ५ को प्रदेश सभामा एउटै दल नेपाल कम्युनिस्ट पार्टी (नेकपा) कै सभामुख र उपसभामुख भएको भन्दै नेपाली कांग्रेस सांसादले उच्च अदालत तुलसीपुरमा रिट दायर गरेका हुन्।
संविधानको धारा १८२ अनुसार सभामुख र उपसभामुख फरक–फरक दल र फरक लिंगका हुनुपर्ने भएपनि प्रदेश ५ मा एउटै दल नेकपाबाट भएको भन्दै रिट दायर गरेको कांग्रेस सांसद रिना विश्वकर्माले जानकारी दिइन्।
उनले सभामुख र उपसभामुख एउटै दलको हुन नहुने व्यवस्थाबमोजिम गराउन प्रदेश सभामा माग गर्दै आएपनि सुनुवाइ नभएकोले अदालतमै जानु परेको बताइन।
उनले प्रदेश सभा सचिवालय, प्रदेश ५ का मुख्यमन्त्री शंकर पोखरेल, प्रदेश सभाका सभामुख र उपसभामुखलाई विपक्षी बनाइर रिट दर्ता भएको उच्च अदालत तुलसीपुरले जनाएको छ।
प्रतिक्रिया दिनुहोस !
