पोखरा : पोखरा महानगरले पोखरामा सडक मिचेर बनाइएका घरहरु धमाधमा भत्काउन थालेको छ । चार दशकदेखि घर भत्काउने प्रयास गरिए पनि उक्त क्षेत्रमा घर भत्काउन सकेको थिएन । तर पोखराको व्यस्त चोकका घरमा महानगरले डोजर लगाएपछि सबै चकित परेका छन् । यहाँका घर भत्काउने प्रयास ४० वर्षअघि थालिएपनि जनप्रतिनिधि आएको एक वर्षभित्र सडक चौडा बनाउन सफल भएको हो ।
पोखरा महानगरपालिकाको डोजरले बिहीबार मध्याह्न पोखराको सबैभन्दा व्यस्त बजार महेन्द्रपुल नजिकै पालिखेचोक चौडा पार्न निजी घर भत्काइरहेको छ । पोखरा महानगर ४ का वडा अध्यक्ष शंकर बास्तोलाले २ आनाभन्दा कम क्षेत्रफलमा बनेको र नयाँघर बनाउन नमिल्ने ठाउँका ४ घर भत्काइने जानकारी दिए । उनले घरधनीलाई महानगरले मुआब्जा दिएकोसमेत जानकारी दिए ।
प्रतिक्रिया दिनुहोस !
