काठमाडौं : नेपालले दोस्रो एकदिवसीय खेल क्रिकेटमा नेदरल्यान्ड्सँग खराब सुरुवात गरेको छ। ३१ ओभर खेल्दा नेपालले ६ विकेट गुमाइसकेको छ।
नेपालका लागि कप्तान पारस खड्काले अर्धशतक बनाए भने अन्य ब्याट्सम्यान जम्न सकेका छैनन्। खड्काले ६९ बलमा ६ चौका र दुई छक्काको मद्दतमा ५१ रन बनाएका हुन्। अन्य ब्याट्सम्यान भने जम्न सकेनन्। अहिले क्रिजमा सोमपाल कामी र आरिफ शेख छन्।
नेपालले १६ ओभरमै पाँच विकेट गुमाएको थियो । २९ रन जोड्दा पहिलो विकेट गुमाएको नेपालले १२७ रन बनाउँदा छैठौं विकेट गुमाएको हो । नेपालका उपकप्तान ज्ञानेन्द्र मल्ल ४२ बलमा १३ रन बनाएर आउट भए भने सुवास खकुरेल ३३ बलमा १९ रन बनाएर आउट भए । अनिल शाह ६ बलमा चार रन जोड्दै आउट हुँदा दीपेन्द्र ऐरी १७ बलमा १९ रन बनाएर आउट भए ।
प्रतिक्रिया दिनुहोस !
