काठमाडौँः एक दिवसीय क्रिकेटमा पनि नेपालले जितको इतिहास बनाएको छ । एक दिवसीको डेब्यु खेलमा नेदरल्यान्ड्ससँग पराजित भएको नेपालले दोस्रो खेलमा उसैलाई हराउँदै जितको इतिहास बनाएको हो ।
नेदरल्यान्ड्सविरुद्ध एक रनको रोमाञ्चक जित निकाल्ने क्रममा कप्तान पारस खड्का अन्तिम समयमा नायक सावित भए । अन्तिम ओभर बलिङ गरेका पारसले अन्तिम बलमा दुई रन चाहिने अवस्थामा नेदरल्यान्ड्सको दशौँ विकेट लिँदै नतिजा नेपालको पक्षमा पार्न सफल भएका हुन् ।
आजको खेलमा नेपाललाई जिताउने क्रममा ब्याटिङतर्फ पनि पारस चम्किए । उनले ५१ रन बनाउँदै अर्धशतक पुरा गरे भने सातौँ क्रममा आएका सोमपाल कामीले सम्हालिएर खेल्दै ४६ बलमा ६१ रनको शानदार पारी खेले
प्रतिक्रिया दिनुहोस !
