लन्डन : इङ्ल्यान्डविरुद्ध जारी पहिलो टेस्टको पहिलो पालिमा भारतीय कप्तान विराट कोहलीले बिहीबार शतक प्रहार गरे। आफ्नो पालिमा एक सय ४९ रन प्रहार गरेका कोहलीका लागि यो शतक विशेष रह्यो। किनभने कोहलीका लागि इङ्ल्यान्डमा भने यो पहिलो टेस्ट शतक बन्यो।
एकपछि अर्काे सशक्त प्रदर्शन गर्दै अन्तर्राष्ट्रिय क्रिकेटको धेरैजसो कीर्तिमान आफ्ना नाममा बनाएका कोहलीले इङ्ल्यान्डमा खेलिएको टेस्ट क्रिकेटमा भने अहिलेसम्म शतक प्रहार गर्न सकेका थिएनन्। त्यसैले उनले आफ्नो यो उपलब्धिको खुसियालीलाई विशेष तरिकाले मनाएका छन्।
उनले शतक पूरा गरेपछि आफ्नो घाँटीमा बाँधेको इन्गेजमेन्ट रिङलाई चुमे। त्यसपछि स्ट्यान्डमा बसेर खेल हेरिरहेका आफ्नी श्रीमती अनुष्का शर्मातर्फ ब्याटले इशारा गर्दै एक चुम्बन दिए। बर्मिंघमस्थित स्टेडियममा खेल हेर्न पुगेका अनुष्काले आफ्नो पतिको उपहार स्ट्यान्डबाटै स्वीकार गरे। उनले स्ट्यान्डबाट उठेर आफ्नो पतिको नयाँ सफलतामा बधाई पनि दिए। कोहलीले गत वर्षको अन्त्यमा अनुष्कासँग विवाह गरेका थिए।
प्रतिक्रिया दिनुहोस !
