काठमाडौं : गायिका सुनिता अधिकारीले तीजको कोसेली बजारमा ल्याएकी छन्। ‘पानको मिसी’ को सफलतापछि आठौं गीतका रुपमा उनले ‘क्यारम् मायालाई’ बोलको तीज गीत बजारमा ल्याएकी हुन्।
एकल स्वरमा सुसज्जित गीतमा सुनिता आफैंले अभिनय गरेकी छन् भने उनलाई अभिनयमा सञ्चारकर्मी रामकुमार शाहीले साथ दिएका छन्। शिव हमालको शब्द र लय रहेको गीतको निर्देशन गणेश पाण्डेले गरेका हुन्। म्यूजिक भिडियोमा प्रकाश भट्टको कोरियोग्राफी छ।
राजेश घिमिरे, पुकार तिमिल्सिना र रामेश्वर ढकाल क्यामराम्यान रहेको गीतको अडियो तथा भिडियो साइन मिडिया प्रालिले गरेको हो। गीतको सम्पादन विष्णु शर्मा र संगीत संयोजन कृष्ण विकले गरेका छन्।
तीजका नाममा अनेक विकृति फैलिरहेका बेला मौलिक गीतले दर्शक र स्रोताको मन जित्न सफल हुने सुनिताको भनाइ छ।
प्रतिक्रिया दिनुहोस !
