बनेपा : काभ्रेको मण्डन देउपुर नगरपालिका–१० नारिखर्क स्थित बुधबार बिहान पहिरोले पुरिएर एक बालकको मृत्यु भएको छ ।
सुतिरहेको अवस्थामा अविरल वर्षाका कारण टहरा माथिबाट आएको पहिरोले १८ महिनाका दिपक तामाङ्गको पुरिएर मृत्यु भएको जिल्ला प्रहरी कार्यलयका एसपी रविराज खड्काले जानकारी दिए । उनका अनुसार सुतिरहेको अवस्थामा मृतकका बाबु हेमबहादुर तामाङ र आमा सीतामाया तामाङ बाहिर निस्किए पनि छोरालाई समयमै निकाल्न नसक्दा पुरिएर मृत्यु भएको जानकारी दिए ।
घरभन्दा सय मिटर माथिबाट आएको पहिरो र लेदोले तामाङको घर पुरिएको छ भने दुईवटा टिनको टहरा बगाएको प्रहरीले जनाएको छ । मृतकका बाबु हेम र आमा सीता भने सामान्य घाइते भएको छन् ।प्रहरीले मृतक बालकको शव निकालेको छ ।
प्रतिक्रिया दिनुहोस !
