टीकापुर : कैलालीको लम्कीचुहा नगरपालिका – १ लम्कीमा रहेको देउती गुट्खा उद्योगमा अज्ञात समूहले बिहीबार बिहान बम विष्फोट गराएको छ । बिहान ४ बजेर ५२ मिनेटमा देउती गुट्खा उद्योगको गेट बाहिर बम विस्फोट भएको प्रहरीले जानकारी दिएको छ । ठूलो आवाजमा बम विस्फोटन भएपछि आसपासका स्थानिय त्रसित भएका थिए ।
विष्फोटबाट उद्योगको पर्खाल र छानामा सामान्य क्षति भएपनि अन्य क्षति नभएको इलाका प्रहरी कार्यालय लम्कीका प्रमुख प्रहरी निरीक्षक सुरेन्द्र प्रसाद जोशीले जानकारी दिए । विस्फोटन भए लगतै प्रहरी घटना स्थलमा पुगेको थियो । बम किन र कसले विष्फोट गरायो सो को बारेमा अनुसंधान भइरहेको प्रहरीले जनाएको छ ।
उक्त उद्योगमा अज्ञात समूहले साउन २ गते समेत दुर्इवटा प्रेसर कुकर बम राखेको थियो ।
प्रतिक्रिया दिनुहोस !
