महेन्द्रनगर : झट्ट हेर्दा निकै सुविधा सम्पन्न देखिन्छ महेन्द्रनगरस्थित महाकाली अञ्चल अस्पताल । भौतिक संरचना पर्याप्त छन् । केही संरचना निर्माणाधिन अवस्थामा छन् । हेर्दा लाग्छ पक्यै पनि अस्पतालबाट विशेषज्ञ सेवा उपलब्ध हुन्छ । तर बाहिरबाट हेर्दा सुविधा सम्पन्न लाग्ने अस्पताल पूर्वाधारमा अब्बल रहे पनि भित्र निकै दुरावस्थायुक्त छ । वर्षौदेखि अस्पतालमा चिकित्सक दरबन्दी अभाव छ भने आवश्यक उपकरण, बिरामीका लागि राखिएका शड्ढया फाटेर खण्डहर भइसकेका छन् ।
सरसफाइमा पनि अस्पताल कमजोर नै छ । अस्पतालको शौचालयको अवस्था दयनीय छ । अस्पतालको शौचालयमा पस्न सकिदैन । बाहिरी सरसफाइको अवस्था पनि त्यस्तै छ । बिरामी राखिने बेडको नजिकै शौचालय छ ।
‘बिहान सरसफाई गर्ने कर्मचारीले फरि फर्केर आउँदैनन्’, बिरामीका एकजना कुरुवाले भने, ‘वर्षौदेखि यस्तै अवस्था छ तर अस्पताल प्रशासनको भने ध्यान जान सकेको छैन ।’
अहिलेसम्म अस्पतालका शड्ढयामा राखिएका मेट्रस फेरिएका छैनन । कुनै पनि शड्ढयामा अस्पतालमा हुने हरियो चादर पनि राखिएको छैन । कतिपय बेड टुटेको अवस्था छन् ।
‘दुर्गन्धले बिरामी पनि बस्न नसक्ने अवस्था छैन’, छोराको उपचारका लागि महाकाली अञ्चल अस्पतल आएका वासुदेव पन्तले भने । ‘विशेषज्ञ सेवा पो डाक्टरले दिने हुन्, सरसफाई पनि किन नहुँदो हो’, उनले प्रतिप्रश्न गरे । उनले अस्पतालको जुनसुकै स्थानमा खुला शौच गरेपनि किन गरिस् भन्ने कोही नभएको गुनासो गरे ।
अस्पतालका वार्ड र बाहिरी क्षेत्रमा फोहोरको डंगुर थुप्रिएको छ । पर्खालमा उम्रेको झारले वार्डमा लामुखुट्टेले बसि नसक्नु हुन्छ । कुरुवा र बिरामी झुल बिना राति सुत्न सक्दैनन् ।
‘बिरामीका लागि सरसफाई महत्वपूर्ण पाटो हो, त्यसतर्फ अस्पतालले ध्यान दिनुपर्छ’, भीनपा ४ बजारका बलदेब पनेरुले भने ।
स्थापनाकाल देखिका बिरामी राख्ने बेड मर्मतसम्भार नभएको कर्मचारी बताउँछन् । ‘हामीले अस्पताल प्रशासनलाई पटक पटक आग्रह गर्दै आएका छौं, बेड मर्मत गर्नुपर्ने भएका छन्’, अस्पतालका मेडिकल वार्डका एक कर्मचारीले भने ।
नागरिक सरोकार समूहका सदस्य करण पाल भने अस्पतालको अवस्था सुधार्नेतर्फ सबैको ध्यान जानु जरुरी रहेको बताउँछन् । ‘नागरिक सरोकार समूहले अस्पतालको शौैचालय मर्मत र सरसफाई कार्यक्रम गरी सुधार अभियान थालेको छ’, उनले भने ।
अस्पतालका निमित्त मेसु डा.हरिकुमार श्रेष्ठले न्यून बजेट आउने र त्यसले एकैचोटी मर्मत सम्भार गर्न असहज हुने गरेको बताए । उनले गतवर्ष आएको मर्मतको बजेटबाट केही मर्मत गरिए पनि पर्याप्त नभएको जनाए । अस्पतालमा दरबन्दी अनुसारका चिकित्सक पदपूर्तिका लागि पटकपटक सरकारसँग माग गर्दा समेत सुनुवाई नभएको मेसुको गुनासो छ ।
प्राथमिक स्वास्थ्य केन्द्रबाट सुरु भएको महाकाली अञ्चल अस्पताल २०४३ सालमा अञ्चल अस्पतालका रूपमा स्वीकृत पाएको थियो ।
अञ्चल अस्पताल बनिसकेपछि स्वीकृत दरबन्दी अहिलेसम्म पुरा हुन सकेको छैन । चिकित्सक दरबन्दी १८ जना रहे पनि सरकारले दरबन्दी पूर्ति गर्न नसके पनि दरबन्दी संख्या बढाएर २८ पु¥याइएको छ । हाल दरबन्दीमा ४ जना मात्रै चिकित्सक कार्यरत छन् ।
०००
महाकाली अञ्चल अस्पतालमा च्यातिका शड्ढया । बिष्णुप्रसाद देवकोटा
प्रतिक्रिया दिनुहोस !
