काठमाडौं : आफ्ना महत्वपूर्ण स्ट्राइकर क्रिस्टियानो रोनाल्डोले यसै सिजन क्लब छोडेपछि स्पेनिस क्लब रियल मड्रिडलाई यस सिजनमा उपाधि दावेदारका रुपमा कमजोर आँकलन गरिएको छ। रोनाल्डोबिनाको रियल मड्रिडले ला लिगाको पहिलो खेलमा सहज जित निकालेको छ ।
आइतबार रातिको खेलमा गेटाफेमाथि २–० को जित निकाल्दै रोनाल्डोबिना पनि रियल मड्रिड कमजोर नरहेको पुष्टि संकेत गरेको छ । रियल मड्रिडको घरेलु मैदानमा भएको खेलमा जितका लागि बेल र डानी कार्वाजलले १–१ गोल गरे ।
कार्वाजलले २० औं मिनेटमा र बेलले ५१ औं मिनेटमा गोल गरेका हुन् । २०१६/०१७ को सिजनमा ला लिगा जितेको रियल मड्रिड गत सिजनमा सुरुदेखि नै खराब प्रदर्शन गरी उपाधि दावेदारका रुपमासमेत प्रस्तुत हुन सकेन । सिजन भरी तेस्रो स्थानभन्दा माथि उक्लिन नसकेको रियलले तेस्रो स्थानमै रहँदै लिग अन्त्य गर्यो ।
प्रतिक्रिया दिनुहोस !
